हरेन्द्र साह, रौतहट ।। रौतहटको निर्वाचन क्षेत्र नंम्बर २ मा पर्ने राजपुर नगरपालिकाका नगर प्रमुख मो. शकिल अख्तरले नगरबासीको जिविकोर्पाजन लाई उकालो पार्ने क्रममा लगातार नयाँ र नौलो प्रयास जारी राखेका छन् । सो नगरपालिकाका प्रमुख प्रशासकिय अधिकृत जगत प्रसाद साह र नगर प्रमुख अख्तरको पहल र प्रयासमा शनिवार निशुल्क आँखा शिविर संचालन भएको छ । नगर क्षेत्र भरीका ५ सय स्थानियलाई लक्षित गरी संचालन गरिएको सो शिविरमा शनिवार मात्र करिब ३ सय आँखाका बिरामीले चेकजाँच गराई निशुल्क औषधि र चश्मा पाएका छन् भने पहिलो दिनको शिविर बाट शल्यक्रियाका लागी छनौट भएका करिब १ सय जनाको शिविर पश्चात शल्यक्रिया हुने आयोजक संस्थाका अध्यक्ष प्रविण टिबडेवालले जानकारी दिएका छन् ।
राजपुर नगरपालिकामा प्रमुख प्रशासकिय अधिकृतको रुपमा कार्यरत जगत प्रसाद साहले आँखा शिविरले प्रत्यक्ष रुपमा लाभान्वित भएको हेर्दा अतयन्तै खुशि लागेको कुरा बताउनु भएको छ । शिक्षा, स्वास्थ र विकासको दृष्टिकोणले अत्यन्तै पिछडिएको राजपुर नगरपालिकामा नयाँ आयामको शुरुवात भई सकेकोले आफ्नै पालामा सो नपाको काया पलट गराई छाडने नगर प्रमुख शकिल अख्तरले प्रतिबद्धता गरेका छन् । शिविरको उद्धघाटन समारोहलाई सम्बोधन गर्दै नगर प्रमुख अख्तरले सो नगरको वृद्धवृद्धाको स्वास्थ सुधारका लागी जुनसुकै किसिमको सहयोग र लगानी गर्न राजपुर नगरपालिका तयार रहेको बताए ।
