कलैया, बारा।
बारामा आज चट्याङ लागेर एक युवकको मृत्यु भएको छ। आज बिहान शुक्रबार १७ गते का दिन सुवर्ण गाउँपालिका वार्ड नं ७ टोल सन्फुलवामा बस्ने बाबुलाल प्रसाद यादव को छोरा अन्दाजी वर्ष २१ को धीरज कुमार यादव लाई चट्याङ लागेर मृत्यु भएको छ।
आकस्मिक निधनले भएको बारे घटना स्थलमा गाउँपालिकाका अध्यक्ष राजेश यादव, उपा अध्यक्ष पुनम कुमारी कि श्रीमान् सतेन्द्र यादव, वार्ड अध्यक्ष जितेन्द्र यादव, युवा नेता विजय सिंह, कन्हैया यादव, मानिस यादव र शास्त्र प्रहरी बल को टोली, जनपत प्रहरीको टोली र गाउँपालिका नगर प्रहरीको टोली पुगी सहानुभूति दिएका छन्।
मृतक परिवारलाई गाउँपालिका बाट रु.५००००/- (पचास हजार) आर्थिक सहयोग दिने निर्णय गरेका छन्। मृतक यादवले आफ्नो खेतमा काम गर्न गएको बेला करिब १ बजे तिर चट्याङ लागेको गाउँपालिकाका राकेश यादवले जनाएका हुन। पालिकाका स्थानीय संतोष केशरीले सिआइ एन लाई जानकारी गराएका छन्।
