कलैया, बारा।
कलैया उपमहानगरपालिका वडा न. ६ हनुमान चौक नजिक विजय इन्टरप्राइजेज बाट एउटा चोरले तीन चोटीमा करिब छ लाखको चोरी गरेका छन्। आज भन्दा करिब चार महिना पहिला सटरको ताल्चा फुटाइ नगद दुई लाख ५० हजार चोरी गरेका थिए भने कार्तिक १७ गते राती फेरि त्यही प्रक्रिया बाट गलामा रहेका एक लाख ५० हजार नगद मात्र चोरी गरेको थियोे। गए राती फेरि करिब अढाई लाखको चोरी गरेको सिसिटीभी कैमेरा बाट थाहा पाएको इन्टरप्राइजेजका प्रोप्राटर विजय कुमार साहले बताए।
चोरले चोरी गरेको साबुत मेटाउने उदेश्यले सिसिटीभी कैमेरा भाचेर कम्प्युटरको cpu समेत लग्नुका साथै केही बन्डल तार पनि लगेको साहले बताए। प्रोप्राइटर साहले सिसिटीभी फुटेज बाट चोरको पहिचान समेत भएको बताए। कलैया उपमहानगरपालिका वडा न. ४ पर्सा टोलका फुलचन महतो धानुकको अन्दाजी ३५ वर्षीय हरिहर मण्डल धानुक रहेको सिसिटिभी फुटेजमा प्रष्ट पहिचान भएको साहले बताए।
