पोखरियामा हुने एमालेको बृहत आमसभा तथा पार्टी प्रवेश कार्यक्रमको त्यारी पुरा एमाले पर्सा द्वारा पत्रकार समेलन

शैलेश गुप्ता, १ मंसिर पोखरिया 

पर्सा

पर्सा को पोखरिया नगरपालिका वडा नम्बर ४ स्थित रहेको जिल्ला उचांगल रामदेव कलवार प्राविधिक नमुना मा बि पोखरीया को चौर मा यही मंसिर ५ गते मंगलबारका दिन नेपाल कम्युनिष्ट पार्टी नेकपा एमालेको बृहत आम सभा तथा बृहत पार्टी प्रवेश कार्यक्रम हुन गइरहेको कार्यक्रमको तयारीको सम्बन्धमा आज पत्रकार सम्मेलन मार्फत जानकारी गराइएको छ ।

पार्टीका पर्सा जिल्ला संयोजक डाक्टर बिशम्बर शर्माको अध्यक्षतामा सम्पन्न भएको पत्रकार सम्मेलनमा करिब २५ हजारको उपस्थितमा ५ हजारले पार्टी प्रवेश गर्ने पार्टीका पोलिट बूरो सदस्य तथा पर्सा जिल्ला इन्चार्ज अच्युत मैनालीले जानकारी दिए । कार्यक्रममा पर्सा जिल्लाका नेकपा माओवादी, नेपाली काँग्रेस, जसपा, लोसपा पार्टीका केन्द्रीय लेबलका नेताहरुलाई पार्टी अध्यक्ष तथा पूर्व प्रधानमन्त्री केपी शर्मा ओलीले एमालेमा प्रवेश गराउने नेता मैनालीले जानकारी दिए ।

प्रवेश गर्नेमा जसपा पार्टीका नेता तथा पूर्व प्रतिनिधि सभा सदस्य हरिनारायण रौनियारको नाम तय भइसकेको पोलीट बुर्यो सदस्य सुमन प्याकुरेलले जानकारी दिए । प्रवेश गर्ने बाँकी नेताहरुको नाम भन्ने गोप्य राखिएको छ । कार्यक्रममा पार्टीका अध्यक्ष तथा पूर्व प्रधानमन्त्री केपी शर्मा ओलीले आम सभालाई विशेष सम्बोधन गर्ने जिल्ला संयोजक डाक्टर विशम्बर शर्माले जानकारी दिए ।

सो आम सभा मिसन २०८४ को तयारी समेत रहेको नेताहरुले जानकारी दिएका छन । कार्यक्रममा पार्टीका केन्द्रीय सदस्य तथा प्रतिनिधि सभा सदस्य प्रभु हजरा, मधेश प्रदेश कमिटी सदस्य शम्भु गुप्ता , पत्रकार महासंघका केन्द्रीय सदस्य केसि लामिछाने लगाएतको उपस्थिति रहेको थियो । कार्यक्रमको सञ्चालन प्रेस चौतारी पर्साका अध्यक्ष श्याम बन्जारालेग रेका थिए ।