खैरातीमाई मेलामा एक महिला सहित ३० जनाले गरे रक्तदान प्रभु यादव , बारा ११ मंसिर बाराको फेटा गाउँपालिका वडा नं.१ त्रिबेणीमा लागेकोे मेलामा एक जना महिला सहित ३० जनाले रक्तदान गरेका हुन् । गढीमाई साझेदारी बन उपभोक्ता समिती पथलैयाले खैरातीमाई मेलामा रक्तदान कार्यक्रम सम्पन्न गरेको छ । डिभिजन बन कार्यालय सिमराको आयोजना र न्यु होप फाउन्डेशन नेपाल देवतालको सहकार्यमा भएको कार्यक्रममा प्राबिधिक सहयोग रेड क्रसको टोलीले प्रदान गरेको थियो । गढीमाई साझेदारी बन समितीका अध्यक्ष कार्यक्रमका सभापति रामएकबाल साह तेली ,सब डिभिजन बन कार्यालय पथलैयाको बन अधिकृत ललन राउत र फेटा गाउँपालिका वडा नं.१ का वडा अध्यक्ष बिगन दास तत्वाले संयुक्त रुपमा रगत सङ्कलन गर्ने पोका प्राबिधिक टोलीलाई हस्तान्तरण गरेर कार्यक्रमको सुरुवात गर्नुभएको थियो । कार्यक्रममा गढीमाई साझेदारी बन उपभोक्ता समितीका बरिष्ठ सदस्य अजित राय सिँह ,महिला सदस्य तारा देबी राम ,गोपाल साह ,प्रहरी नायब निरिक्षक राजन थापा, कलैया १६ का युवा नेता अनिल कुशवाहा , समाजसेवी कृषि प्राविधिक राजेश यादव , फेटा गाउपालीकाका कृषि प्राविधिक संजय कुशवाहा , पत्रकार प्रभु यादव , रंजन यादव , उमेश दुवे , रमेश साह , राजु चौरसिया लगायतको सहभागिता रहेको थियो । कार्यक्रमको सञ्चालन राजेश प्रसाद कुश्वाहाले गरेका थिए ।