वीरगंज ।। वीरगंज महानगरपालिका वडा नं. १७ अलौंमा प्रहरीले छापामारी गरी केराउ (मटर) बरामद गरेको छ । जिल्ला प्रहरी कार्यालय पर्सा, वडा प्रहरी कार्यालय श्रीपुर र बिर्ता, ईलाका प्रहरी कार्यालय पटेर्वा सुगौलीको संयुक्त टोलीले आईतवार राति करिब १०ः३० बजेको समयमा अलौंको मलाह टोलमा छापामारी गरी सो परिमाणमा मटर बरामद गरेको हो ।
स्थानिय गौरी सहनी र सुखाडी सहनीको घरमा प्रहरीले छापामारी गरी करिब १५० बोरा मटर बरामद गरेको पर्सा प्रहरीले जनाएको छ । समाचार तयार गर्दा सम्म कति बोरा हो पूर्ण रुपमा यकिन हुन नसकेको जनाईएको छ । दाना स्वरुप माछा पोखरीमा हाल्नको लागि सो केराउ भण्डार गरेर राखिएको कुरा प्रहरीलाई जानकारी दिएको सुखाडी सहनीले बताएका छन् ।
