कलैया, बारा ।
बाराको कलैयामा राष्ट्रिय दलित पत्रकार संघ बारा शाखाको अध्यक्षमा उपेन्द्र कुमार पासवान सर्वसहमत चयन भएका छन। संघको उपाध्यक्षमा राजु बैठा, सचिवमा विरकेश पासवान , सह सचिवमा सुर्यराज पासवान सर्वसहमति चयन भएका छन। सदस्यमा श्यामबाबु हजरा, बालकृष्ण विक, मनोज राम, दिपक राम, सरोज दास,जयप्रकाश राम, अनु पासवान, उषा देवी राम लगायत १५ सदस्यीय समिति सर्वसहमति बाट गठन भएकोछ। केन्द्रीय सचिव सिकेन्द्र पासवानको अध्यक्षतामा पूर्व भौतिक पुर्वाधार संधिय मन्त्री कलावती पासवानको प्रमुख अतिथि विशिष्ट अतिथि नेपाल प्रेस युनियनको मधेश प्रदेश अध्यक्ष सत्यप्रकाश श्रेष्ठ , नेपाल लेखापढी कानुन व्यवसायी एसोसिसन बारा कलैया इकाइ अध्यक्ष बृजकिशोर यादव, जिल्ला सभापति पन्नालाल कुशवाहा, पन्नालाल दास लगायतका व्यक्तित्व सपथ ग्रहण कार्यक्रममा आआफ्नो मन्तव्य राखेका थिए।
नेपालको संविधानमा उल्लेखित मौलिक हक र कर्तव्यमा रहेको दलित समुदायको हक हित सम्बन्धी प्रावधानहरु धारा २४ मा : छुवाछूत तथा भेदभाव विरुद्धको हक अधिकार लाई असुनिश्चित्ताका लागि कलम चलाउने उद्देश्यले यो संघको स्थापना गरिको हो । सोहि अनुरुप केहि कुराहरु बारे अझै समाज तथा सरकारले गर्दै आएको विभेद बारे अझ ससक्त रुपमा लाग्न लाई थ्गाप जिम्मेवारीका साथ् अगाडी बढ्न केहि नियम कानुन अधाजुं संबिधानमा उल्लालेख रहेको छ ।
- कुनै पनि व्यक्तिलाई निजको उत्पत्ति, जात, जाती, समुदाय, पेशा, व्यावसाय वा शारीरिक अवस्थाको आधारमा कुनै पनि निजी तथा सार्वजनिक स्थानमा कुनै प्रकारको छुवाछूत वा भेदभाव गरिने छैन ।
- कुनै वस्तु, सेवा वा सुविधा उत्पादन वा वितरण गर्दा त्यस्तो वस्तु, सेवा वा सुविधा कुनै खास जात वा जातिको व्यक्तिलाई खरिद वा प्राप्त गर्नबाट रोक लगाइने वा त्यस्तो वस्तु, सेवा वा सुविधा कुनै खास जात वा जातिको व्यक्तिलाई मात्र बिक्री वितरण वा प्रदान गरिने छैन ।
- उत्पत्ति, जात, जाति वा शारीरिक अवस्थाको आधारमा कुनै व्यक्ति वा समुदायलाई उच्च वा नीच दर्शाउने, जात, जाति वा छुवाछूतको आधारमा सामाजिक भेदभावलाई न्यायोचित ठान्ने वा छुवाछूत तथा जातीय उच्चता वा घृणामा आधारित विचारको प्रचार प्रसार गर्न वा जातीय वेभेदलाई कुनै पनि किसिमले प्रोत्साहन गर्न पाईने छैन ।
- जातीय आधारमा छुवाछूत गरी वा नगरी कार्यस्थलमा कुनै प्रकारको भेदभाव गर्न पाइने छैन ।
- यस धाराको प्रतिकूल हुने गरी भएका सबै प्रकारका छुवाछूत तथा भेदभावजन्य कार्य गम्भीर सामाजिक अपराधका रुपमा कानून बमोजिम दणडनीय हुनेछन् र त्यस्तो कार्य बाट पीडित व्यक्तिलाई कानून बमोजिम क्षतिपूर्ति पाउने हक हुनेछ ।
धारा ४० : दलितको हक
- राज्यका सबै निकायमा दलितलाई समानुपातिक समावेशी सिद्धान्तको आधारमा सहभागी हुने हक हुनेछ । सार्वजनिक सेवा लगायतका रोजगारीका अन्य क्षेत्रमा दलित समुदायको सशक्तीकरण, प्रतिनिधित्व र सहभागिताका लागि कानून बमोजिम विशेष व्यवस्था गरिनेछ ।
- दलित विध्यार्थी प्राथमिकदेखि उच्च शिक्षासम्म कानून बमोजिम छात्रवृत्ति सहित निःशुल्क शिक्षाको व्यवस्था गरिनेछ । प्राविधिक र व्यावसायिक उच्च शिक्षामा दलितका लागि कानून बमोजिम विशष व्यवस्था गरिनेछ ।
- दलित समुदायलाई स्वास्थ्य र सामाजिक सुरक्षा प्रदान गर्न कानून बमोजिम विशेष व्यवस्था गरिनेछ ।
- दलित समुदायलाई आफ्नो परम्परागत पेशा, ज्ञान, सीप र प्रविधिको प्रयोग, संरक्षण र विकास गर्ने हक हुनेछ । राज्यले दलित समुदायका परम्परागत पेशा सँग सम्बन्धित आधुनिक व्यवसायामा उनीहरुलाई प्राथमिकता दिई त्यसका लागि आवश्यक पर्ने सीप र स्रोत उपलब्ध गराउनेछ ।
- राज्यले भूमिहीन दलितलाई कानून बमोजिम एक पटक जमीन उपलब्द गराउनु पर्नेछ ।
- राज्यले आवासविहीन दलितलाई कानून बमोजिम बसोवासको व्यवस्था गर्नेछ ।
- दलित समुदायलाई यस धाराद्वारा प्रदत्त सुविधा दलित महिला, पुरुष र सबै समुदायमा रहेका दलितले समानुपातिक रूपमा प्राप्त गर्ने गरी न्यायोचित वितरण गर्नु पर्नेछ ।
