बिराटनगर ।। जननेता मदन भण्डारीको जन्म जयन्तिको सन्दर्भमा मदन भण्डारी फाउण्डेसनले आइतबार विराटनगरमा अन्र्तक्रिया कार्यक्रमको आयोजना गरेको छ । नेता भण्डारीको ६८ औं जन्म दिवस पारेर कार्यक्रमको आयोजना गरिएको हो । कार्यक्रममा भण्डारीका विचारहरुलाई व्यवहारमा उतार्दै कम्यूनिष्ट आन्दोलनलाई अझ सशक्त पार्नुपर्ने सहभागिहरुले बताएका छन् ।
कार्यक्रममा फाउण्डेसनका मोरङ उपाध्यक्ष खडग बहादुर बस्नेतले समाजवाद तर्फ अग्रसर हुन नेता भण्डारीका विचारहरु प्रवाहित गर्दै कम्यूनिष्ट आन्दोलनलाई मजबुत पार्नुपर्ने बताए । प्रदेश नं. १ योजना आयोगका उपाध्यक्ष सुवोध प्याकुरेलले भण्डारी निश्चित सिद्धान्तका प्रणेता भएकोले जननेता बन्न सफल भएको बताए ।
उनले कार्यकर्तालाई भण्डारीले प्रतिवादन गरेको जनताको बहुदलिय जनवादको १४ बुँदे विशेषतालाई राम्ररी मनन गरेर व्यवहारमा उतार्न कार्यकर्तालाई अनुरोध गरे । नेकपाका केन्द्रीय सदस्य गोपी अछामीले राजनीतिक साझा कार्यदल बनाएर समाजवादी क्रान्तिको लक्ष्य हासिल गर्न उन्मुख हुनुपर्ने कुरामा जोड दिए ।
फाउण्डेसनका केन्द्रीय कमिटि उपाध्यक्ष गुरु बरालले दक्षिणपन्थी अवसरवादलाई नेता भण्डारीका विचारहरुले रोकेको बताए । संघीय सरकारका उपप्रधान एवं रक्षामन्त्री ईश्वर पोखरेलले नेताहरु वितेर गएपनि उनीहरुले गरेका योगदानहरु अमर हुने बताए । उनले भावनामा बग्नुभन्दापनि यथार्थवादी आधारमा भण्डारीलाई बुभ्mनु पर्ने बताए । नेपालको कम्यूनिष्ट आन्दोलनमा विचार निर्माणमा भण्डारीको विशिष्ट योगदान रहेको पोखरेलले बताए ।
घरेलु प्रतिक्रियावादी सत्ता माथि प्रहार गर्नुपर्छ भन्दै अन्र्तविरोधको वस्तुलाई स्पष्टता नेता भण्डारीले दिएको उपप्रधानमन्त्री पोखरेलले धारणा राखे । मित्रताले दुवै पार्टी बलशाली हुँदै गएकोले तत्कालिन नेकपा माओवादी र एमालेको एकिकरण भएको उपप्रधानमन्त्री पोखरेलले बताए ।
