कलैया, बारा ।।
कमिसनको चलखेलले कलैया उपमहानगरपालिका वडा नम्वर १ मोतिवाग डुवानमा परेको छ । लगातार पाँच दिन देखि परेको अविरल वर्षाको पानीको उचित निकास नभएकोले मोतिवाग डुवानमा परेको हो । नेकपाका युवा नेता मुकेश साहले २० वर्ष पछि आएको जनप्रतिनिधि कमिसनमा लागेकोले नै आज उपमहानगरपालिकाको यस्तो दुरदर्शा भएको बताउछन ।
समयमा जनप्रतिनिधि सचेत भएन भने नगरिक चुप लागेर नबस्ने उनि बताउछन । गाउ गाउमा सिह दरवार नारामा मात्रै सिमित रहेको उनको तर्क रहेको छ । विकासको नाममा ताण्डव मचाएका जनप्रतिनिधिले समयमा काम नगरी असारे विकासको बजेट झवाम्म पार्नु र अहिले सम्म अख्तियारको निगरानी नजानु शंकाको विषय रहेको उनि बताउछन ।
हजार घुस लिने कर्मचारीलाई पक्राउ गर्ने अख्तियारले करोडो करोड विकासको रकम झवाम्म पार्ने उपमहानगरपालिकाका जनप्रतिनिधिमा नजर नजानु विडम्वनाको कुरो रहेको साह बताउछन । वडा नम्वर १ मा सडक मर्मत सम्भारको लागि ८५ लाखको बजेट पानी परेको बेला बजेट स्वाहा गर्ने जनप्रतिनिधिलाई कुनै कारवाहि नगर्नु निगरानी गर्ने निकाय नै शंकाको घेरामा रहेको उनि बताउछन ।
मोतिवाग त उदाहारण मात्रै हो बाराका १६ वटै स्थानिय तहले अहिले सम्म विकासको फडको मार्न नसक्नु दुखद कुरा रहेको उनले बताए । वडा नम्वर १ मोतिवागमा बस्ने उधोग वाणिज्य सँघका सदस्य शषिभुषण केशरीका अनुसार जनप्रतिनिधिले विकासलाई खेलवाड सम्झेकोले कलैया डुवानमा परेको हो । बजेट पचाउन असारे विकास गरेकोले विकासको गति अघि बढन नसकेको केशरी बताउछन ।
समयमा बाटोघाटो नाला निमार्ण गरेको भए वर्षायामको पानी निकास भए बस्ती डुबानमा नपर्ने उनले बताए ।
