रौतहट, १ साउन — रौतहट जिल्लाको कटहरिया नगरपालिका वड़ा नम्बर २ स्थित जमुनियामा बाटो निर्माण गर्न उपभोक्ता समितिले खनेको खाल्टोमा जमेको पानीमा डुबेर मंगलवार एक नवालाक बच्चाको मृत्यु भएको छ । जमुनिया देखि छेदी चौक सम्म नया निर्माण गरिएको सड़कको छेउमा रहेको खाल्टोमा डुवेर स्थानीय शेख रोज महमदको ३ वर्षीय छोरा शेख सफियान महमदको मृत्यु भएको हो ।
खेल्ने क्रममा उक्त बालकको ज्यान गएको हो । घटनाको पुष्टि नगर उपप्रमुख नूर जहा खातूनको श्रीमान नसरुदीनले गरेको छ । उहाको अनुसार नगर स्तरीय योजनाबाट उपभोक्ता समिति मार्फत २०७६ आषाढ़ २ गते सड़कको निर्माण गरिएको थियो ।
जमुनिया निवासी मजरुल देवान अध्यक्ष रहेको उपभोक्ता समितिले बाटो निर्माण गर्ने क्रममा छेउमा माटो खनेकोले सो खाल्टो भएको थियो । नगर प्रमुख सियाराम प्रसाद कुशवाहाले समयमा खाल्टो पुर्ण नलगाएको कारण मानवीय क्षति भएको स्थानीयहरुले बताएको छ । उपभोक्ता समितिले क्षतिपूर्ति तिर्नु पर्ने स्थानियहरुले मांग गरेका छन । खाल्टो भने ४ फिट गहिरो र ४ फिट चौड़ा रहेको छ ।
