धनुषा ।।
धनुषाको धनौजी गाउपालिका वडा न. ३, ४ र ५ का बाढी पिडितहरुलाई बिपत ब्यबस्थापन समिति धनुषा, जिल्ला प्रशासन कार्यालय धनुषाको संयोजन तथा क्लोथ बैंक धनुषाको सहकार्यमा राहत उपलब्ध गराइएको छ ।
राहत बितरण गर्न जाँदा धनौजी गाउपालिका वडा न. ४ स्थित माईस्थान मंदिर नजिकको पुल भत्कीएकोले सो भन्दा अगाड़ी जान अबस्था नभएपछि धनौजी गाउपालिकाका उपाध्यक्ष रामबती मंडललाई त्रिपाल, कम्बल, झूल, चामल, दाल, दालमोठ, चिउरा, बिस्कुट, लाइटर, मैनबत्ति, चाउचाउ, लगायतका राहत सामग्री उपलब्ध गराइएको हो ।
उक्त राहत जिल्ला प्रशासन कार्यालयको नायब सुब्बा, श्याम, क्लोथ बैंक धनुषाका सदस्य तथा युवा सरसफाई अभियाणी दिपक कुमार चौधरी, महिला सरसफाई अभियाणी तथा क्लोथ बैंकका कोषाध्यक्ष रूबी झा, सरसफाई अभियाणी दिबाकर झा लगायतको उपस्थिति रहेको थियो ।
