ग्यास सिलिण्डर तथा चुल्हो सांसद प्रभु साहको पहलमा रौतहटको सयौ परिवारलाई गरियो वितरण

करण कुमार मिश्र, रौतहट ।।

नेपाल कम्नियुष्ट पार्टी ( नेकपा ) प्रदेश नं २ का अध्यक्ष एवं रौतहट क्षेत्र नं ३ का सघिय सांसद तथा पुर्वमन्त्री प्रभु साहको पहलमा रौतहटको फतुवा विजयपुर नगरपालिका वडा नं ७ हर्षाहा टोलमा आज सयौ परिवारलाई ग्यास सिलिण्डर तथा चुल्हो वितरण गरिएको छ ।

प्रदेश २ का सांसद कुन्दन कुश्वाहाको प्रमुख आतिथ्य तथा फतुवा विजयपुर नगरपालिकाकी उप प्रमुख कान्ती देवी महतोको अध्यक्षतामा हर्षाहामा आयोजित एक कार्यक्रमका विच हर्षाहाका १४० घर परिवारलाई ग्यास सिलिण्डर तथा चुल्हो वितरण गरिएको छ ।

तराई मधेश जनयुद्ध स्मृति प्रतिष्ठान कटहरियाको सहयोगमा उक्त ग्यास सिलिण्डर वितरण गरिएको हो । कार्यक्रमका प्रमुख आतिथि प्रदेश सांसद कुश्वाहा, उप प्रमुख कान्ती देवी, विशिष्ट अतिथि मौलापुर नगरपालिकाकी मेयर रिना कुमारी साहले संयुक्त रुपमा गृहीणी महिलाहरुलाई खाना पकाउन सहज र सुलभ र समयको बचत होस भन्ने उदेश्यका साथ ग्यास सिलिण्डर वितरण गरीएको छ ।

यसैविच त्यसै कार्यक्रममा जनकपुर घर भएका समाजसेवी मुना साहले बाढीबाट क्षति भई पिडित भएकाहरुलाई राहतका सामग्रि वितरण गरेका छन । समाजसेवी साहले बाढीबाट प्रभावित १४० घर परिवारलाई एक महिना पुग्ने जति खाद्यान सामग्रि वितरण गरेका हुन ।

विकास एण्ड ब्रोदर्स कन्ट्रक्सन प्रा.लि. नामको संस्थाको तर्फबाट मुना साहले प्रत्येक बाढि पिडित परिवारलाई २५ किलो चामल, १५ किलो आटा, ५ किलो दाल, ३ किलो खानेतेल, २ किलो नुन वितरण गरेका हुन । ग्यास चुल्हो तथा राहत वितरण कार्यक्रममा नेकपाका नेता कार्यकर्ता लगाएतको जन समुदायहरुको पनि सहभागिता रहेको थिए।।