छत्रकोट गाउपालीका वडा नम्बर ४ दिगाम बोखर गुल्मीमा सामुदायिक स्वास्थ्य इकाइको शुभारम्भ गरिएको छ ।
बिहिबार एक समारोहका बिच इकाइको उद्धघाटन गरिएको हो ।
साबिकको ७, ८ र ९ नम्बर वडाका नागरिकलाई स्वास्थ्य सेवा स्थानिय स्तरमै उपलब्ध गराउन इकाइको स्थापना गरिएको हो । इकाइको उद्धघाटन गर्दै गाउपालीका अध्यक्ष मधुकृष्ण पन्तले स्वास्थ्य इकाइ बाट लाभ लिन स्थानियलाई आग्रह गर्नुभएको थियो ।
उपाध्यक्ष नर्मदा भण्डारी ले बिरामी भएर मात्रै स्वास्थ्य जाँच गराउने बानीलाई परिवर्तन गरि ,बेलाबेलामा नियमीत स्वास्थ्य जाच गराउन आग्रह गर्दै गाउपालीकाले स्पास्थ्यका क्षेत्रका आवश्यक काम गरिरहेको बताउनुभएको थियो ।
वडा नम्बर ३ हर्दिनेटाका वडाध्यक्ष तेजकान्त अर्याल, नेपाली काङग्रेश का नेता जीत बहादुर पौडेलले शुभकामना मन्तब्य राख्नुभएको थियो । कार्यक्रमका अध्यक्ष एवम् वडा अध्यक्ष डिलाराम न्याउपानेले स्वास्थ्य इकाइको बिकास र बृद्धिको लागि स्थानिय ले सेवा लिदै रचनात्मक र सकरात्मक सुझाव दिनुपर्ने बताउनुभएको थियो ।
स्थानियको उल्लेख्य सहभागिता रहेको कार्यक्रमका बिच वडा अध्यक्ष न्याउपानेको अध्यक्षतामा इकाइ संचालनको लागि समिति समेत गठन गरिएको छ ।
जसमा जगनाथ ढकाल,सिता न्याउपाने ,टामलाल न्याउपाने ,सरस्वती पचभैया ,प्राथमिक स्वास्थ्य केन्द्रका डा सागर पौड्याल,इकाइ प्रमुख गीता पाण्डेय सदस्य सचिब चयन हुनुभएको छ ।
इकाइबाट बिरामीले स्वास्थ्य केन्द्रबाट पाउने औषधी र सेवा निशुल्क पाउनेछन । उद्धघाटन समारोह मा वडा सदस्य यम बहादुर नेपालीले स्वागत गर्नुभएको थियो ।
यस्तै बिहिबार नै वडा नम्बर ३ हर्दिनेटा नरममा पनि सामुदायिक स्वास्थ्य इकाइको शुभारम्भ गरिएको छ । कार्यक्रम स्वास्थ्य शाखा प्रमख पुण्य सुबेदिको सन्चालनमा सम्पन्न भएको थियो ।
