कलैया, बारा ।
यही असोज १९ गते अन्दाजी ३३ लाख ९० हजारको समान छलीका कपडा सहित तीनजना पक्राउ परेका छन् । भारतबाट भन्सार छली चोरी पैठारी गरी नेपाल भित्र्याईएको विशेष सूचनाको आधारमा इलाका प्रहरी कर्यालय सिम्रौनगढ बारा बाट पक्राउ गरिएको छ । दिउँसो १२ बजेको समयमा जिल्ला बारा सिम्रौनगढ नगरपालिका वडानम्बर ६ सानो इटवाल टोल स्थित मोजाहिर मियाको घरमा डेरा कोठा लिई बसेका व्यक्तिहरुले भारतबाट पाँच वटा मोटरसाइकलमा अवैध रुपमा समान छली चोरी पैठारी गरी ल्याएका कपडाहरु डेरा कोठामा स्टोर गरिराखेको र केही कपडाहरु मोटरसाइकलमै लोड गरी राखेको अवस्थामा पक्राउ गरिएको छ ।
इलाका प्रहरी कर्यालय सिम्रौनगढ बारा बाट खटिएको प्रहरी टोलीले उक्त स्थानमा पुगी उक्त मूल्य बराबर रहेको समान हरु मध्ये कुर्ता-सुरुवाल बच्चाको सुट, पाइन्ट, सर्ट, साडी, सेन्डो लगायतका विभिन्न किसिमका कपडाहरु बरामद गरिएको छ । ठूलो बोरामा १२ बोरा मध्ये ९ बोरा BR 05 M 2030, BR 05 E 6735, BR 05 F 6711, BR 05 F 875, बा ५८ प् २२३ नम्बरको मोटरसाइकलहरुमा लोड गरी राखेको र १३ बोरा डेरामा डेरा कोठामा लुकाइछिपाइ राखेको अवस्थामा फेला पारी बरामद गरिएको छ ।
बरामद गरिएको सामानहरुको मुचुल्का साथ् उक्त चोरी पैठारी कार्यमा संलग्न उल्लेखित तीन जना मानिसहरु समेत पक्राउ गरी भन्सार एन अनुसार आवश्यक कारबाहीको लागि मूल भन्सार कार्यालय विरगंज पठाइएको छ । बारा जिल्ला आदर्श कोतवाल गाउँपालिका वाड नम्बर ५ बस्ने गेना लाल राय यादवको छोरा वर्ष ३४ को रामरतन यादव, गेना लाल राय यादवकै छोरा बर्ष २९ को जयमंगल प्रसाद यादव र सोही ठाउँमा बस्ने बैनाथ तिवारी को छोरा वर्ष ४५ को हेमचन्द्र तिवारी लगायतकाहरुले पक्राउ परेको जिल्ला प्रहरी कार्यालयले पत्रकार समेलन गरि जनाएका छन् ।
