साजिर मन्सूर, कलैया,असोज २९ ।।
बारा जिल्लामै अहिले सम्मकै उच्च पुरस्कार राशिको क्रीकेट प्रतियोगिता महागढिमाई नगरपालिका स्थित रंगशाला बरियारपुरमा भैरहेको क्रीकेट प्रतियोगितामा आज भएको पहिलो खेलमा आयोजक पराजित भएको हो । क्रीकेट प्रतियोगिताको उदघाटन खेलमा आयोजक महागढ़िमाइ क्रीकेट क्लबलाई बिरगंज युवा च्याम्पसले ८५ रनले पराजित गरेको छ । २० ओभरको खेलमा पहिले ब्याटिङ गर्दै बिरगंजले अलियास मन्सूर को ४५ तथा समीर अन्सारिको ४३ रनको मदतमा १३७ रन बनाएको थियो ।
जबाफी ब्याटिङ थालेको आयोजक महागढिमाई क्लबले ५२ रनमै अल आउट भएको थियो । आयोजक को तर्फबाट खुर्सेद अन्सारले नट आउट ३२ रन बनाएका थिए उनी बाहेक कुनै खेलाडीले महागढिमाईको लागि दोहोरो अन्कमा रन बनाउन नसक्दा टिमले हार ब्योहोर्नु परेको यश मिश्रले बताए । प्रतियोगिताको म्यान अफ द म्याच बिरगंजका समीर अन्सारी भए । आजै भएको दोश्रो खेलमा महाबिर कलब हेटौंडाले कलैया क्रीकेट क्ल्बलाई १ बिकेटले पराजित गरेको छ ।
टस जितेर कलैयाले ब्याटिङ गर्दै रबि साह्को 26 रन र कुमार थापा 13 रन मदतमा ७२ रन बनाएको थियो । बलिङ तर्फ हेटौडा का – राम नरेश गिरि – ४ ओभरमा १ मेडन १६ रन ५ विकेट, उदित श्रेष्ठ ४ ओभरमा२१ रन दिदै २ विकेट लिएका थिए । २० ओभरमा जवाफी ब्याटिङ थालेको महाबिर क्लब हेटौंडाको तर्फबाट सिम्खडा २० रन बनाए । कलैया को बलिङ तर्फ कलैया का पवन सराफ ले ४ ओभर १ मेडन ११ रन ४ विकेट,समीर नेपाल ४ ओभर १७ रन ३ विकेट,अनिल साह १ ओभर २ रन १ विकेट लिए ।
Hide quoted text लेट्स प्ले स्पोर्ट्स प्रालि आयोजक रहेको प्रतियोगिता कार्तिक ७ गते सम्म हुने आयोजकका प्रबन्धक यश मिश्रले जानकारी गराएका हुन । देशको प्रतिष्ठित ८ टिमको सहभागिता रहने खेल लिग चरणमा खेलाइने मिश्रले बताए । प्रतियोगिताको बिजेताले नगद रु. २ लाख सहित अन्य पुरस्कार सामग्री त्यस्तै उप बिजेताले नगद १ लाख सहित अन्य सामग्री पुरस्कार पाउने भएका छन ।
प्रतियोगिताले स्थानिय स्तरमा अझ ससक्त र राम्रा खेलाडी पहिचान हुने आयोजकले जनाएको हो । प्रतियोगिताको कुल लागत लगभग १७ लाख ८६ हजार हुने जसको ३०% महागढिमाई नगरपालिकाले र बाकी रकम विभिन्न प्रायोजकहरुबाट संकलन गरिने आयोजकले जनाएको छ ।
