अपाङ्गता भएकाहरुले अन्तर्राष्ट्रिय दिवस मनाउने

उषा सरदार,बिराटनगर
अपाङ्गता भएका ब्यक्तिहरुले २८ औं अन्तर्राष्ट्रिय अपाङ्गता दिवस विभिन्न कार्यक्रम गरि मनाउने भएको छ।
सोमबार बिराटनगरमा पत्रकार सम्मेलनको आयोजना गरि मंगलबारका ३ डिसेम्बर अर्थात अन्तर्राष्ट्रिय अपाङ्गता दिवस मनाउन लागेको जानकारी गराएको हो।
राष्ट्रिय अपाङ्गता महासंघ १ नं. प्रदेशकी अध्यक्ष पार्वता श्रेष्ठले आज साँझ बिराटनगरको बसपार्कमा नेपालको नक्सामा सात प्रदेशको नक्सा बनाई दिप प्रजवलन गरिएको बताउनु भएको छ। “दिगो बिकास लक्ष्य ,अपाङ्गता मैत्री भविष्य ” भन्ने नाराका साथ आज दिप प्रज्वलन गरिएको छ। सामाजिक बिकास मन्त्रालय १ नम्बर प्रदेश मुल आयोजक समिति र राष्ट्रिय अपाङ्गता महासंघको सहकार्यमा मंगलबार बृहत प्रभातफेरि ( र्‍याली ) निकालिने भएको छ। उक्त र्‍याली सामाजिक बिकास मन्त्रालय देवकोटा चौकमा जम्मा भइ बजार हुँदै बिराटनगर ई प्लटमा आएर सभामक परिणत हुनेछ। सोही अबसरमा दमकमा सांस्कृतिक कार्यक्रमको साथै पाँचथर र धनकुटामा कजेल स्तरिय वक्तित्वकला ,समावेशी शिक्षा नीति अनुसार स्रोत कक्षा संचालन भएको ् अन्य विधायलको अनुगमन ,अपाङ्गता भएक ब्यक्तिहरुको प्रदेश भेला ,अपाङ्गता भएका ब्यक्तीहरुको रोजगार मेला ,काम गर्न चाहने अपाङ्गता भएक ब्यक्तिहरु र रोजगारदाता बिच अन्तरकृया, कोशेली घर उदघाट्न गरिने कार्यक्रम रहेको छ।
प्रदेश सरकारले अपाङ्गता लक्षित कार्यक्रम को लागि ३ करोड ९५ लाख ४८ हजार बराबरको बजेट बिनियोजन गरिएको छ। साथै अपाङ्गता भएका ब्यक्तिहरुका लागि प्रदेशिक नीति तथा अपाङ्गता कार्यक्रम ब्यबस्था र कार्यन्वयन सुझाब कार्यदल २०७५ गठन गरि सुझाब संकलन गरिएको छ भने अपाङ्गता भएको ब्यक्तिहरुका लागि सुचना तथा परामर्श केन्द्र स्थापनाका लागि भौतिक पुर्वाधार तयारी र स्थानिय तहहरुमा अपाङ्गता रोकथाम तथा पुनर्स्थापना कार्यक्रम प्रदेश सरकारले थालेको छ। १ नं. प्रदेशमा अपाङ्गता भएको महिलाको संख्या ४२ हजार ६ सय ८१ र पुरुष ५१ हजार ९ सय ५९ जना गरि जम्मा प्रदेश भरिमा ९४ हजार ६ सय ४० जना अपाङ्गता भएको रहेको छ। १ नं. प्रदेशको सुनसरी जिल्लामा सबभन्दा बढि १० हजार ४ सय ९ जना अपाङ्गता भएका ब्यक्ती रहेको जिल्ला हो।