ईलाका प्रहरी मिर्चैया र सशस्त्र प्रहरी मिर्चैयाको संयुक्त टोलीले सुन्द्रपुरमा दुई हजार गाँजाका बोट नष्ट
गणेश कुमार शर्मा
सिरहा,पुष १० गते । सिरहा जिल्लाको मिर्चैया नगरपालिका वडा नं.९ सुन्द्रपुरमा बिशेष सुराकी को अधारमा लगाईएको अवैध गाँजा खेती फडानी गरेको छ । ईलाका प्रहरी कार्यालय मिर्चैयाबाट प्रहरी निरीक्षक(इन्स्पेक्टर) दिनेश गौतम र सशस्त्र प्रहरी वल सुरक्षा बेस क्याम्प मिर्चैयाका प्रहरी निरीक्षक(इन्स्पेक्टर) प्रमोद रायको संयुक्त टोलीले मिर्चैया नगरपालिका वडा नं.९ (सुन्द्रपुर) मा लगाइएको अबैध गाजा खेती नष्ट गरेको हो ।
अबैध रुपमा लुकाईछिपाई बडामा लगाईएको २ हजार अबैध गाँजाका बोट फडानी गरी नष्ट गरिएको सशस्त्र प्रहरी वल सुरक्षा बेस क्याम्प मिर्चैयाका प्रहरी निरीक्षक(इन्स्पेक्टर) प्रमोद रायले बताए ।
ईलाका प्रहरी कार्यालय मिर्चैयाबाट प्रहरी निरीक्षक(इन्स्पेक्टर) दिनेश गौतमले भने गाँजा लागुऔषध भएकाले गाँजा खेति, उत्पादन, खरिद विक्री तथा ओसारपसार गर्नेलाई लागुऔषध नियन्त्रण ऐन अनुसार कारवाही हुने समेत उनले वताएका छन् ।
