वीरगन्ज,१७ चैत/
कोरोना भाइरसको (कोभिड–१९) संक्रमण फैल्न नदिनका लागी भारतले लकडाउन गरेपछि घर जान नपाएर वीरगन्ज–रक्सौलको मितेरी पुलमा अलपत्र परेका भारतीयहरुलाई राष्ट्रिय युवा संघ नेपाल पर्साले सोमबार खाजा वितरण गरेको छ ।
कोरोना भाइरसको (कोभिड–१९) रोकथामका लागी भएको लकडाउनमा केहि दिनदेखी खाना नखाएर वीरगन्ज रक्सौलको मितेरी पुलमा अलपत्र परेका ५ सय जनालाई खाजा वितरण वितरण गरेको हो ।
राष्ट्रिय युुवा संघ नेपाल पर्साका संयोजक महमद निजामुदिनको अगुवाईमा मितेरी पुलमा अलपत्र परेका भारतीयहरुलाई चाउचाउ ,बिस्कुट,
पानी र भुजा खाजाको रुपमा वितरण गरेको हो ।
केहि दिन खाना नखाएर अलपत्रमा परेपछि जिल्ला कमिटीको निर्णय अनुसार राहत स्वरुप खाजा वितरण गरीएको राष्ट्रिय सुवा संघ नेपालका केन्द्रिय सदस्य अरुण यादवले जानकारी दिए ।
उनले कोरोना भाइरसका रोकथामका लागी भएको लकडाउनमा कुनैपनि ठाउँमा खाना नखाएर अलपत्र परेकाहरुलाई खाजा र खाना नियमित रुपमा वितरण गरीने बताए । खाजा वितरण कार्यक्रममा राष्ट्रिय युवा संघ नेपालका केन्द्रिय सदस्य विमल पौडेल राष्ट्रिय सुवा संघ नेपालका युवा नेता मुकेश पालको सहभागीता रहेको थियो ।
