पवन शाह, बिराटनगर ।
भारतको विभिन्न ठाउहरु बाट आएर सीमावर्ती क्षेत्र जोगबनीमा अलपत्र परेका ६३ हिजो नेपालीलाई आज साँझ दोश्रो चरणमा जोगबनी नाकाबाट विराटनगर भित्र्याइएको छ ।
जोगबनी नाकासम्म भारतका विभिन्न क्षेत्रबाट आएका र त्यहीं आसपासका नेपालीलाई प्रदेश सरकार, जिल्ला प्रशासन कार्यालय मोरङ र विराटनगर महानगरपालिकाको समन्वयमा विराटनगर भित्र्याइएको हो ।
मोरङ र सुनसरीमा घरनजिक हुनेहरुलाई स्थानीय तहको जिम्मा लगाएर राति नै पठाउने र टाढा पुग्नु पर्नेका लागि खानपिनको समेत व्यवस्था गरेको प्रशासनले जनाएको छ। उनीहरुलाई स्थानीय तहको निगरानीमा अनिवार्य १४ दिनको क्वारेन्टाइनमा राखिने बताइएको छ।
