अनिल पाण्डेय, कलैया, बारा ।
बारामा दुई गाउबासी बिच झड्प हुदा प्रहरीले १३ राउण्ड हवाई फायर गरेको छ । सिम्रौनगढ नगरपालिका वडा नं.११ भवानीपुर र आदर्शकोतवाल गाउँपालिका वडा नं.६ पटेर्वाका वासिन्दा बिचको झड्प नियन्त्रणमा लिनका लागि हवाई फायर गरेको बाराका प्रहरी प्रवक्ता एवंम् प्रहरी नायाब उपरिक्षक गौतम मिश्रले जानकारी दिए ।
झड्पका क्रममा चार जना प्रहरी र १२ जना सर्वसारधण घाईते भएका छन्। घाईतेहरूको अवस्था सामान्य रहेको छ। कुलोमा माछा मारेको र डुबानको विषयमा भएको विवादले उग्र रुप लिदा झड्प भएको डि.एस.पी मिश्रले बताए ।
गाउँ गाउँ बिच नैं आक्रमण र प्रतिकार शुरु भए पछी घरटहरा समेत भत्काउन शुरु गरे पछि जिल्लाबाट थप टोली परिचालन गरिएको तथा ६ सेल अश्रु ग्यास समेत प्रहार गर्दा पनि झड्प नरोकिएका कारण १३ राउण्ड हवाई फायर गरे पछि बल्ल स्थिति नियन्त्रणमा आएको जिल्ला प्रहरी कार्यालय बाराले जनाएको छ । स्थिति सामान्य भए पछि प्रहरी टोली फर्किएका छन्।
