प्रभु यादव, कलैया, बारा ।
बारा जिल्लाको कलैया उप-महानगरपालिकाको औधापुरमा जंगली हातिको आक्रमणले आज बिहान एकजनाको मृत्यु भएको छ । हातीको आक्रमणबाट कलैया उपमहानगरपालिका-२ औधापुर निवासी ४५ बर्षीय रामदेव पटेलको मृत्युु भएको जनाइएको छ। घर नजिकै बारीमा काम गरिरहेका पटेललाई बिहान करिब पौने आठ बजे जंगली हातीले आक्रमण गरि गम्भीर घाइते बनाएको थियो।
गम्भीर घाइते भएका पटेल लाई उपचारकालागि कलैया अस्पतालमा ल्याउँदै गर्दा बाटोमा मृत्यु भएको बाराका प्रहरी नायब उपरीक्षक गौतम मिश्रले जानकारी दिनु भयो । जङ्गल क्षेत्रबाट करिब १६ किलोमिटर टाढा औधापुर आएर हातीले आक्रमण गरेको प्रहरीले जनाएको छ। हातिले कलैया उपमहानगरपालिकाको वडा नम्वर २६ , २७ हुँदै वडा नम्वर १५ खम्वा तर्फ लागेको र उक्ता हातिलाई नियन्त्रणमा लिन प्राविधिक टोली पुग्ने क्रममा रहेको मिश्रले जनकारी गराए । शस्त्र बल तथा प्रहरी जवान जंगल तर्फ फेरी फर्काएका थिए।
