विराटनगर १९ बैशाख
आवश्यक र स्पष्ट कानुनको अभावमा व्यक्तिगत घटना दर्तालाई विश्वसनीय, भरपर्दो, किटानयोग्य र पूर्ण कानुनी मान्यताप्राप्त बनाउन असहज रहेको जनप्रतिनिधिहरुले बताएका छन् । राष्ट्रिय परिचयपत्र तथा पञ्जीकरण विभाग काठमान्डौ द्धारा ब्याक्तिगत घटना दर्ताका विषयमा जानकारी दिने उदेश्ले विराटनगर आयोजित कार्यक्रममा सहभागीहरुले यस्तो बताएका हुन् । कार्यक्रममा विराटनगर महानगरका १९ वटै वार्डका वडाध्यक्ष र सचिवहरुको सहभागीता रहेको थियो । वडाध्यक्षहरु उद्धव अर्याल,तिर्थेन्द्र न्यौपाने ,मीन आचार्य ,विनोद बस्नेत ,माधवराज वाग्ले ,बद्री सरदार लगायतले ब्यक्तिगत घटना दर्ताका लागि अनेकौ चुनौती रहेको बताए । टेस्टट्युब बेवी ,अनैतिक सम्वन्धवाट जन्मेका बालवालिका ,नेपालमा आएर बच्चा जन्माउने क्रम , नेपाली आमा तर भातीय नागरिकले विवाह गरी छोडिएका महिला बाट जन्मिएका सन्तान लगायतका धेरैलाई कसरी सम्वोधन गर्ने भन्ने विषयमा समस्या रहेको बताएका थिए । कार्यक्रममा राष्ट्रिय परिचयपत्र तथा पञ्जीकरण विभागका निर्देशक युवराज कट्टेलले नागरिक पन्जीकरणलाई सार्वजनिक सेवा प्रवाह तथा नागरिकता एवम राष्ट्रिय परिचय पत्र प्राप्तिको प्रमुख र प्राथमिक कानुनी प्रमाणको रूपमा विकास गर्नु वर्तमान समयको आवश्यकता रहेको बताए । उनले स्थानीय तहले दिनुपर्ने सेवाका विषयमा जानकारी गराएका थिए ।
उक्त कार्यक्रममा बोल्दै विराटनगर महानगरका मेयर भीम पराजुलीले सेवाग्राही जनताको आबश्यकता र कानुनमा रही सेवा प्रबाह गर्न आग्रह गरे । व्यक्तिगत घटना दर्तालाई विश्वसनीय, भरपर्दो, किटानयोग्य र पूर्ण कानुनी मान्यताप्राप्त बनाउने काममा वडा अध्यक्ष र वडा सचिवले ध्यान दिन आबश्यक रहेको औल्याए । नवुझेका कुरा कानुनत अध्ययन गरी सेवाग्राहीले दुख नपाउने गरी काम गर्न वडा सचिवहरुलाई पराजुलीले निर्देशन समेत दिए । कार्यक्रममा विराटनगर महानगरका उपमेयर इन्दिरा कार्की,प्रमुख प्रशासकिय अधिकृत एक देव अधिकारी ,लगायतको सहभागिता रहेको थियो ।
