शैलेश गुप्ता ६ पौष पोखरिया ।
पर्सा
पकाहाँमैनपुर गा पा को उपाध्यक्ष सर्फुन नेशाको स्वकीय सचिवमा उनकै श्रीमान मोo नर्शुलाहमियाँ नियुक्त जनताको करको पैसा ३२हजार ९ सय २ रुपिया हरेक महिना च्याट ।
देशको अर्थतन्त्र कमजोर रहेको बेला पर्साको पकाहाँमैनपुर गाउँपालिकाले नियम विपरीत उपाध्यक्षको स्वकीय सचिव नियुक्त गरी मासिक चौथो तह बराबरको तलब सुविधा दिन थालेको छ ।
गाउँपालिका उपाध्यक्ष सर्फुन नेशाको स्वकीय सचिवको रूपमा नियुक्त गरिएको उनकै श्रीमान मोहमद नर्शुलाह मियाँलाई चौथो तहमा नियुक्त गरि मासिक ३२ हजार ९ सय २ रुपियाँका दरले तलब भुक्तानी हुँदै आएको लेखा प्रमुख निरन्जन पटेलले बताए ।
नेपाल सरकार एवं प्रदेश सरकारको नीति नियम कानुनलाई धोती लगाउँदै आफ्नो मनपरि उपाध्यक्षको स्वकीय सचिव राख्ने निर्णय कार्यपालिकाको बैठकले गरेको स्रोतले जनाएको छ । मधेस प्रदेशको हकमा महानगरपालिका बाहेक गाउँपालिकामा स्वकिय सचिव एवं सल्लहकार राख्ने नियम नीति नभएपनि कानुन विपरीत मियाँको नियुक्ति दिएको छ ।
यस विषयमा उपाध्यक्षका स्वकिय सचिव मियाँले आफु उपाध्यक्षको कामकाजको लागि नियुक्ति लिएको तर तलब भत्ता सेवा सुविधा नलिएको बताए तर प्रत्येक महिनाको सेवा सुविधा बुझिएको लेखा प्रमुख पटेलले बताए ।
सो घटनाका सम्बन्धमा पालिकाका प्रमुख प्रशासकीय अधिकृत उदय शंकर चौधरीले आफू आउनुभन्दा पहिला नै यो निर्णय भएको जानकारी दिनु भयो । पालिकाले कार्यविधि बनाएर स्वकीय सचिव राखेको पाइएको भए पनि ऐन नियममा नरहेको उहाँले स्पष्ट पार्नुभयो । नियम विपरीत आफूखुसी राखिएका स्वकीय सचिवहरूलाई तलब भत्ता अब नखुवाउने र नियम विपरीत भएका सबै नियुक्ति छिट्टै खाजेर गरिने उहाँले बताउनु भयो ।
अध्यक्ष तथा उपाध्यक्षले पाउने सुविधाभन्दा स्वकीय सचिवहरूलाई बढी सुविधा दिई राज्य कोषको दुरुपयोग भएको गुनासो स्थानीयको छ।
