शैलेश गुप्ता २१ फाल्गुन बीरगंज
पर्सा
रकम हिनामिना गर्ने सिद्धार्थ प्राविका प्रधानाध्यापक पक्राउ परेका छन् । बहुदरमाई नगरपालिका – ५ बलीरामपुरका सिद्धार्थ प्राविका प्रधानाध्यापक एवं सहकारीका पूर्व सदस्य समेत रहेका धर्मराज साहलाई जिल्ला प्रहरी कार्यालय पर्साले सोमबार पक्राउ गरेको हो ।
स्रोतका अनुसार जनमुखी बचत तथा ऋण सहकारी संस्थाका सदस्य रहेका बेला प्रधानध्यापक साहले रकम हिनामिना गरी ठगी गरेका थिए । बहुदरमाइ नगरपालिकामा रहेको सहकारीको प्रधानाध्यापक साहले सेयर रकम, बचत रकम हिनामिना गरेका उजुरी परेको जिल्ला प्रहरी कार्यालय पर्साका सूचना अधिकारी डिएसपी कुमार विक्रम थापाले बताए ।
जाहेरी परेपछि प्रधानाध्यापक साहलाई प्रहरीले सोमबार सिद्धार्थ प्राविबाटै पक्राउ गरेको हो । रकम ठगी आरोपमा पक्राऊ परेका प्रधानध्यापक साहलाई जिल्ला अदालत पर्साबाट म्याद थप गराई थप अनुसन्धान प्रक्रिया अगाडि बढाइने उनले जानकारी दिए।
