गणेश कुमार शर्मा
सिरहा,श्रावण ७ गते । लोक सेवा आयोगको असंवैधानिक विज्ञापन विरुद्ध सिरहा जिल्लाको मिर्चैया नगरपालिका कटारी चौकमा प्रदर्शन गरिएको छ । युवा सडकमै आएर आयोगका अध्यक्ष उमेश प्रसाद मैनाली र सामान्य प्रशासनमन्त्री लालबाबु पण्डितविरुद्ध प्रदर्शन गरेको हो ।
मिर्चैया नगरपालिकाको बजारबाट जुलुस निकालेर कटरी चौकसम्म पुगी प्रदर्शनकारीहरुले पुतला जलाएको थियो । आन्दोलन समितिले मंगलबार बेलुका ४ बजे कटरी चौकमा संघीय मामिला तथा समान्य प्रशासन मन्त्री लालबाबु पण्डित तथा लोकसेवा आयोग प्रमुख उमेश मैनालीको पुतला दहन गर्ने कार्यक्रम रहेको आरक्षण बचाउ आन्दोलन समिती सिरहा मिर्चैयाका स–संयोजक रामेश्वर यादवले जानकारी दिए ।
त्यसै गरि संघीय मामिला तथा सामान्य प्रशासन मन्त्री लालबाबु पण्डितको पुतला दहन गर्ने क्रममा आन्दोलनकारी र प्रहरीबिच पुतला छिनने क्रममा आरक्षण बचाउ आन्दोलन समिती सिरहा मिर्चैयाका स–संयोजक रामेश्वर यादवको खुट्टामा चोट लागेको छ ।
