कौशल निरोला, बिराटनगर ।।
विराटनगर महानगरपालिकाले विराटनगरका विभिन्न चौकहरुमा बुधवार वाट औपचारिक रुपमा फ्रि वाईफाई सञ्चालनमा ल्याएको छ । महानगरपालिका र वल्डलिङ्क कम्युनिकेशन लिमिटेडको सहकार्यमा फ्रि वाईफाई सञ्चालनमा ल्याइएको हो ।
महानगरका मेयर भीम पराजुलीले एक कार्यक्रमका वीच कञ्चनवारी चोकमा रहेको वाइफाईको स्विच अन गरेर विधिवतरुपमा उद्घाटन गर्नु भएको छ । बुधवार मात्रै विराटनगरका पुष्पलाल चोक, राजबंशी चोक ,ठूलोमिल चोक, कञ्चनवारी, कोशी अस्पताल, मालपोत कार्यालय,जिल्ला प्रहरी कार्यालय, भृकुटी चौक, विराटनगर एरपोर्ट ,विराटनगर बसपार्क, जिल्ला प्रशासन कार्यालय, बरगाच्छी चोक, हनुमान मन्दीर र ट्राफिक चोक लगायत १४ स्थानमा वाइफाइ जडान गरिएको छ ।
प्रत्येक चोकमा २ सय देखी ३ सय जना सम्म मानिसहरुले बाइफाइको प्रयोग गर्न सक्ने छन् । विराटनगर महानगर भित्र तत्काले ३२ स्थानका चोकहरुमा वाइफाइ जडान गरिने छ भने दोस्रो चरणमा नगरका विभिन्न थप ५० चोकहरुमा वाइफाई जोडिने छ ।
