अज्ञात समूहको छुरा प्रहारबाट गम्भिर घाइते भएका नेपाली जनता दलका धनुषा अध्यक्ष मुन्जय राउतलाई थप उपचारका लागि भारत लगिएको छ ।
गत मंगलबार जनकपुरस्थित वकिल टोलमा राउतमाथि मोटरसाइकलमा आएका दुई अपरिचित व्यक्तिले छुरा आक्रमण गरेका थिए । गम्भिर घाइते राउतलाई तत्कालै जनकपुरस्थित काब्य होस्पिटल लगियो । तर त्यहाँ उपचार सम्भव नभएपछि उनलाई आफ्न्तले भारत लगेका छन् ।
अहिले भारतको पटनास्थि पटना मेडिकल कलेज एण्ड हस्पिटलमा उपचार भइरहेको पारिवारिक स्रोतले जनाएको छ । राउतको ढाडमा छुरा प्रहार भएको थियो । त्यहाँ टाका लगाएपनि घाउ बल्झिदै गएपछि थप उपचारका लागि काब्य होस्पिटलले नै भारत लग्न सुझाव दिएको थियो ।
छुरा प्रहार गर्ने व्यक्तिलाई भने प्रहरीले हालसम्म पक्राउ गर्न सकेका छैन । उनीमाथि मेडिकल तथा होस्पिटल माफियाले नै आक्रमण गरेको समाजवादी पार्टीका नेता नविन यादबले विज्ञप्ती निकालेर दावी गरेका थिए । तर प्रहरी भने अनुसन्धानमै अल्झेको देखिन्छ ।
