सैनामैना । संविधान दिवसको अवसर पारेर सामाजिक क्षेत्रमा क्रियाशिल संस्था रोटरी क्लब अफ लुम्बिनी सिद्धार्थनगर र रोट्रयाक्ट क्लब अफ लुम्बिनी सिद्धार्थनगरले शुक्रबार संयुक्त रुपमा भैरहवामा रक्तदान कार्यक्रम गरेका छन् ।
श्री इन्भेष्टमेण्ट एण्ड फाइनान्स कम्पनी लिमिटेड भैरहवा शाखाको सहयोगमा सम्पन्न कार्यक्रममा ३६ जनाले रक्तदान गरेको रोट्रर्याक्ट क्लब अफ लुम्बिनी सिद्धार्थनगरका अध्यक्ष जय सिंह थापाले बताउनुभयो । कार्यक्रममा बोल्दै प्रमुख अतिथि रोटरी क्लब अफ लुम्बिनी सिद्धार्थनगरका पुर्व अध्यक्ष दिनेश पौड्यालले रगतको अभावमा कसैले ज्यान गुमाउन नपरोस भन्ने उद्धेश्यले रोटरी र रोट्रयाक्ट क्लबले रक्तदान कार्यक्रमको आयोजना गर्दै आएको बताउनुभयो ।
त्यस्तै श्री इन्भेष्टमेण्ट एण्ड फाइनान्स कम्पनी लिमिटेड भैरहवा शाखाका प्रबन्धक विकास श्रेष्ठ, रोट्रर्याक्ट क्लब अफ मेट्रोसिटीका अध्यक्ष पूजा माली लगायतले रक्तदानको महत्वका बारेमा बोल्नुभएको थियो । कार्यक्रम संयोजक विमल कार्कीको स्वागत मन्तव्य तथा रोट्रयाक्ट क्लब अफ लुम्बिनी सिद्धार्थनगरका सचिव समिर बस्नेतको सञ्चालनमा कार्यक्रम सम्पन्न भएको थियो ।
