कलैया, बारा ।।
चाड पर्व लाइ लिएर सुरक्षा नीति सुक्ष्म गरिएको आज पत्रकार समेलनको आयोजना गरि जनाइएको छ । बारा जिल्लाका नागरिकले सुरक्षाको सम्बनधमा कुनै किसिमको कमि महसुस नहोस भन्ने उदेश्यले सुरक्षा नीति कडा गरिएको जिल्ला प्रहरी कार्यालयले जनाएको छ । विगतका दिनहरुमा चाड पर्वको मौका छोपी विभिन्न् उत्श्रीन्खल भएको कुरा लाइ लिएर सुरक्षा नीति अति सुक्ष्म गरिएको जनाइएको छ ।
सुरक्षाका लागि ४७६ जना प्रहरी खटाइएको हो जसमध्ये सदा पोसाकमा पनि राखिएको जनाइएको छ । जिल्लाको मुख्य चौकहरुमा हेल्प डेस्क पनि संचालन गरिएको छ । सिमरा, जितपुर, कलैया, निजगढ लगायत ७ ठाउमा हेल्प डेस्क राखिएको जनाइएको छ । चाड पर्वको मौकामा यातायात सवारी साधनमा बिगतका दिनमा बढी भाडा लिने गरेको कुरा लाइ पनि मध्यनजर गरि लोकल तथा राजधानी लगायतका जाने सवारी साधनहरुमा पनि सुरक्षा नीति कडा गरिएको जनाइएको छ ।
जिल्ला प्रहरी कार्यालय बारामा सोमवार पत्रकार सम्मेलनको आयोजना गरि प्रहरी उपरीक्षक विकासराज खनालले राजमार्ग तथा ग्रामिण भेगको बाटोमा चेकजाँच बढाइने, क्षमता भन्दा बढी यात्री ओसार पसारगर्ने र बढी भाडा असुलगर्ने सवारी साधनलाई समेत कारवाही गरिने सुरक्षा योजनामा समेटिएको जानकारी दिनुभयो ।
नेपाल भारतबाट हुने तस्करीलाई नियन्त्रण गर्ने, चाडवाडको समयमा हुने मेला, महोत्सव, खेलकूद जस्ता कार्यक्रममा आवश्यक जनशक्ति परिचालन गरी झै–झगडा तथा कुटपिट र आपराधिक कार्य हुनबाट रोक्ने, नागरिकको सुरक्षाको लागि राजमार्गमा हुन सक्ने दुर्घटना नियन्त्रण गर्न चेकिङ्गको व्यवस्था गरिएको छ ।
बाटोमा अलपत्र परेका यात्रीहरुको समस्या समाधान गर्न यात्री सहायता कक्षको व्यवस्थासँगै शहरी तथा ग्रामिण ईलाकामा हुनसक्ने अपराधिक घटना तथा घरेलु मदिरा उत्पादन, विक्री वितरण, सेवन र जुवातास जस्तो गैर कानूनी कार्यलाई रोकिने बारेमा बताउनु भयो ।
