काठमाडौं । नेपाल भ्रमणमा रहुनभएका बंगलादेशका राष्ट्रपति मोहम्मद अब्दुल हमिदको स्वास्थ्यमा समस्या देखिएपछि चन्द्रागिरीको अवलोकनको भ्रमण रद्द गर्नुभएको छ ।
भ्रमणको चौथो दिन आज उहाँले चन्द्रागिरि हिल्सको अवलोकन गर्ने कार्यक्रम भएपनि स्वास्थ्य समस्याका कारण भ्रमण रद्द गर्नुभएको हो । यस्तै, उहाँ अपराह्न १ बजे पाटन दरबार स्क्वायर जाने कार्यक्रम छ । सद्भावना भ्रमणका लागि गत मंगलबार काठमाडौं आइपुग्नुभएका राष्ट्रपति हमिदले बुधबार दिनभर उच्चस्तरीय भेटवार्तामा व्यस्त हुनुभएको थियो । त्यसपछि हिजो पोखरा पुगेर जलविहार गर्नुभएको थियो ।
उहाँ आजै अपराह्न ४ बजे स्वदेश फर्कने कार्यक्रम छ । परराष्ट्र मन्त्रालयका अनुसार हमिदलाई विमानस्थलमा राष्ट्रपति विद्यादेवी भण्डारीले विदाई गर्ने कार्यक्रम छ ।
