वीरगन्ज,२० मंसिर
पर्सा प्रहरीले नेपाली कांग्रेस पर्साका एकजना नेता हिजो पक्राउ गरेको छ । पक्राउ पर्नेमा बहुदरमाई नगरपालिका वडा नम्बर १ बिश्रामपुरका नेपाली कांग्रेसका नेता स्थानीय सरोज कुमार यादव रहेको ईलाका प्रहरी कार्यालय पोखरीयाले जनाएको छ । यादवमाथी बैकिंङ्ग कसुर शिर्षक सम्बन्धि मुद्धा परेकाले पक्राउ गरीएको ईलाका प्रहरी कार्यालय पोखरीयाका प्रहरी निरिक्षक चन्द्रकुमार सिंहले जानकारी दिए ।
केहि दिन पहिले यादवमाथी बैकिंङ्ग कसुर शिर्षक सम्बन्धि मुद्धामा पक्राउ पुर्जी जारी भएपछि पक्राउ गरेर जिल्ला प्रहरी कार्यालय पर्सामा बुझाईएको प्रहरी निरिक्षक सिंहले बताउनुभयो । पक्राउ परेका यादव गत २०७४ सालमा भएको स्थानीयतहको निर्वाचनमा नेपाली कांग्रेसका तर्फबाट बहुदरमाई नगरपालिका वडा नम्बर १ बिश्रामपुरको वडाअध्यक्ष पदका लागी चुनाव लडेका थिए ।
