उषा सरदार
,बिराटनगर भ्रमण वर्ष २०२० लाई स्थानीय स्तरबाट सहयोग पुर्याउने उद्देश्यले बिराटनगरमा पहिलो पटक ३ दिने सडक महोत्सव गर्ने भएको छ।शुक्रबार बिराटनगरमा पत्रकार सम्मेलनको आयोजना गरि प्रदेश १ को राजधानी बिराटनगरमा मन्जिना मुभिज क्रिएशनले अगामी माघ १ देखि ३ गते सम्म हुन लागेको महोत्सव बारे जानकारी गराएको हो। बिराटनगर २ स्थित शनिहाटमा आयोजना हुने महोत्सवमा स्वदेशी ,स्थानीय उत्पादन ,विभिन्न जातजातिका खानाका परिकारका स्टलहरु , व्यावसायिक स्टलहरु हुनुका साथै सांगीतिक र सांस्कृतिक कार्यक्रम हुनेछ। उक्त कार्यक्रम स्थानीय र राष्ट्रिय स्तरका कलाकारहरु बाट मनोरञ्जन प्रदान गरिनेछ भने स्थानिय कलाकारहरुलाई पहिलो प्राथमिकतामा राखिने छ भने हरेक दिन राष्ट्रिय स्तरका कलाकारहरुको उपस्थिती रहने छ। दिउँसो ३ देखि राती ८ बजे सम्म लाग्ने दिन दिने महोत्सवमा १ सय वटा स्टलहरु हुनेछन। ३ दिनको लागि प्रत्येक स्टल ५ हजारको दर तोकिएको र बुकिङ्ग पनि खुल्ला गरिएको मन्जिना मुभिज निर्देशक जतिन ताम्राकारले जानकारी गराउनु भयो। बिराटनगर महानगरको सहयोगमा हुन लागेको महोत्सवको अनुमानित खर्च ३० लाख हुने छन भने १ लाख बढी दर्शकले अबलोकन गर्ने अनुमान गरिएको छ। महोत्सवमा पर्यटकिय गन्तब्यहरुको संक्षिप्त जानकारी तथा तस्बिर समेत राखिने छ।
