रुरु धाम रिडिमा भैरहेको बृहत पितृ ज्ञान महायज्ञ को आज ११ औँ दिनको कार्यक्रम भब्य रुपमा सम्पन्न भएको छ ।
मुल समितिका अध्यक्ष गुरु प्रसाद ज्ञवाली को अध्यक्षता रहेको कार्यक्रममा धुर्कोट गाउँपालिकाका अध्यक्ष भुपाल पोख्रेलको प्रमुख आतिथ्यता रहेको थियो ।
यस्तै दरबार देबिस्थान गाउँपालिका वाड न ४ का वाड अध्यक्ष खुम बहादुर पल्ली ,रुन्खादह माबी बिधालय व्यवस्थापन समितिका अध्यक्ष ठाकुर प्रसाद खनाल, प्रधानाध्यापक देब बहादुर पान्डे , समाजसेबि, जनप्रतिनिधि , पत्रकार महिला समूह लगायतको उपस्थिति रहेको थियो ।
कार्यक्रममा पण्डित बिष्णु प्रसाद ज्ञवालीले धार्मिक कार्यक्रम गरिरहदा बिरोध हुदैमा केही असर नहुने र भागबत पाठ गर्नहुने कुरामा जोड दिदै सबैलाई यज्ञमा सहभागिता जनाउन आग्रह गर्नुभयो थियो ।
भोलिको कार्यक्रममा सारदा माध्यमिक बिधालय रिब्दिकोट १ का बिद्यार्थी, शिक्षक कर्मचारी , अभिभावक र जनप्रतिनिधि समेत सहभागी हुने भएको छन । यज्ञ असोज १७ गते समापन हुनेछ ।
