वीरगन्ज, ।। नेपाल लाइफ तेस्रो राष्ट्रिय फोटो पत्रकारिता पुरस्कार २०७५” का लागि बीरगंजका ३ जना फोटो पत्रकार मनोनयनमा परेका छन् । राष्ट्रिय फोटो पत्रकार समूहको आयोजना यही बैशाख १३ गते वितरण हुने सो पुरस्कारका लागी विभिन्न सञ्चार माध्यममा कार्यरत वीरगन्जका तीन जना पत्रकार मनोनयनमा परेका हुन् । १५ बिधामा प्रत्येक बिधाका लागि ५ जना गरि ७५ जना मनोनीत भएकोमा बीरगंज बाट पन्कज श्रेष्ठ, सफल खतिवडा र तिवारी यादव मनोनीत भएका छन् । फोटोका लागि राजनीति, दैनिक जिवन, महिला, पर्यटन तथा संस्कृति, खेलकुद, मनोरञ्जन, आर्थिक, अनलाइन लगायतका गरि १५ वटा बिधा रहेका छन् ।
प्रत्येक बिधाबाट उत्कृष्ट ५ मा पर्ने सफल फोटो पत्रकारहरु लाई सोमबार कार्यक्रम आयोजना गरेर प्रमाणपत्र वितरण गरिने आयोजकले जनाएको छ । राष्ट्रिय फोटो पत्रकार समूहका महासचिव प्रदीपराज वन्तले फोटो पत्रकारहरुको हौसला बढाउन समुहले विगत ३ बर्षदेखि विभिन्न संघसंस्थासंग सहकार्य गरि पुरस्कार प्रदान गर्दै आइरहेको बताए । प्रत्येक बिधामा उत्कृष्ट हुनेलाई २५ हजार नगदसहित ,प्रमाणपत्र ,ट्रफि तथा सबै बिधाबाट उत्कृष्ट हुने ५० हजार नगद सहित ,प्रमाणपत्र ,ट्रफि वितरण गरिने आयोजक संस्थाका अध्यक्ष राजेन्द्र चित्रकारले बताए ।
