विराटनगर । स्थानीय तहको लागि लोकसेवा आयोगले गरेको विज्ञापनलाई खारेज गर्न राष्ट्रिय विद्यार्थी संघ जिल्ला कार्य समिति मोरंगले माग गरेको छ ।
संघले प्रधानमन्त्रीलाई जिल्ला प्रशासन कार्यालय मोरंग मार्फत बुझाईएको ज्ञापन पत्रमा लोकसेवा आयोगले गरेका विज्ञापनलाई खारेज गरी संविधानले अवलम्वन गरेको समावेशी कोट्टा सहितको विज्ञापन गर्न माग गरेको छ ।
उक्त ज्ञापनपत्रमा भनिउको छ मधेशी, आदीवासी, जनजाती, दलित लगायतको लामो समयको संघर्ष, सयौंको बलिदानी र हजारौं घाईतेको प्रतिफल स्वरुप स्थापित भएको समानुपाति समावेशी प्रतिनिधित्वको अधिकारलाई एकै चोटी मर्म र भावना विपरीत लोकसेवा आयोगले निकालिएको विज्ञापनलाई खारेज गरी मधेशी, आदीवासी, जनजाति, दलित, महिला, अपाङ्ग र पिछडिएको क्षेत्रलाई सम्वोधन गर्ने गरी विज्ञापन गर्न अपील समेत गरेको छ ।
लोकसेवा आयोगले निकालेको विज्ञापनलाई कर्मचारी समायोजन ऐन अनुसार विज्ञापन प्रत्येक स्थानीय तहको छुट्टा–छुट्टै मान्न सकिदैन । मुलुक संघियतमा गईसकेको वखत प्रदेशले गर्नुपर्ने विज्ञापन संघले गर्न मिल्दैन तसर्थ सो विज्ञापनलाई रोकी प्रदेश अन्तरगतका आयोगलाई समानुपातिक समावेशीको सिद्धान्तको मर्म अनुरुप हुने गरी विज्ञापनलाई सच्याउन एक हप्ताको अल्टिमेटम दिएको छ ।
सो अवधि भित्र विज्ञापन नसच्याए कडा आन्दोलनमा उत्रने भन्दै ज्ञापन पत्र बुझाईएको छ ।
