राम नारायण ठाकुर
सिरहा,असार २४ गते । सिरहाको मिर्चैयामा खुल्लेयाम गर्भपतन गर्दै आएको घटना आज बाहिर आएको छ ।मिर्चैया कटारी चौक स्थित रहेको मिर्चैया नर्सिङ्ग होम प्रा.लि.ले खुल्लेयाम रुपमा अबैध तरीकाले मोटो रकम लिई गर्भपरिक्षण तथा गर्भपतन गर्ने कार्य गरी रहेको रहस्य खुलेको छ ।
मिर्चैया नर्सिङ्ग होम प्रा.लि.का डाक्टर एमबी.बिएस.डा.सम्भु यादबले सिरहा जिल्ला गुलरिया बंगठिया घर ठेगाना भएका एक महिलालाई ४ महिनाको गर्भपतन गरीरहेको वेला कटिङ्ग गरेर बच्चा निकाल्ने क्रममा नासा काटिएर ब्लडीङ्ग अत्याधिक भए पछि यो घटना बाहिर आएको छ ।
उक्त महिलालाई मिर्चैयामा उपचार सम्भब नभएपछि थप उपचारको लागी लहान स्थित रहेका सप्तऋषी अस्पतालमा पठाईएको श्रोतको भनाई रहेको छ ।मिर्चैया नर्सिङ्ग होम प्रा.लि.ले विगत देखी नै यस्तो कार्य गर्दै आएको स्थानीयहरुको बथन रहेको छ ।
