जनकपुरधाम ।।
लोक सेवा आयोगले आरक्षण कटौती गरेर निकालेको विज्ञापन खारेजको माग राख्दै जनकपुरमा प्रदर्शन भएको छ । प्रदर्शनका क्रममा आयोगका अध्यक्ष उमेश मैनाली र सामान्य प्रशासन मन्त्री लालबाबु पण्डितको पुतला समेत जलाएको हो ।
सो क्रममा समाजवादी पार्टी नेपालका नेता नविन यादब, राजपा विद्यार्थी नेता प्रशान्त झा, किसन साह सहितका १५ जनालाई प्रहरीले पक्राउ गरेको छ । अहिले पक्राउ परेका सबैलाई जिल्ला प्रहरी कार्यालय धनुषा लगिएको छ ।
उनीहरु आयोगको विज्ञापन खारेज नगरे अझ सशक्त आन्दोलन गर्ने चेतावनी दिएका छन् । शुक्रवार देशका अन्य मुख्य शहरहरुमा समेत विज्ञापन विरुद्ध प्रदर्शन गरिएको छ ।
