गणेश कुमार शर्मा, सिरहा,श्रावण १३ गते ।
समाजवादी पार्टि नेपाल प्रदेश नं. २ प्रदेश सदस्य र सिरहा जिल्लाका सह–ईन्चार्ज विष्णु साहको आज जन्मदिनको अवसरमा बृक्षारोपण गरेका छन । सिरहा जिल्ला मिर्चैया नगरपालीका ५ स्थित मोहन माध्यमिक विद्यालयको प्रागंनमा फुलको बिरूवा रोपेर जन्मदिन मनाएका छन ।
हरियाली बचाउने सरकारको ठोस पहल कद्मी नभएकाले आफुहरु मिलेर हराभरा शहर बनाउनका लागि वृक्षारोपण गरिएको साहले बताए । जन्मदिन केक काटेर मनाउनुभन्दा सो रकमले विरुवा किनेर रोप्दा समाजनै हरियाली हुने साहको तर्क छ । बृक्षारोपणमा सोही विधालयका विद्यार्थीहरुको सहभागिता रहेको थियो ।
त्यसैगरी कार्यक्रममा समाजवादी पार्टि नेपालका नेता अयज कुमार यादब, दिप नरायण यादव, मोहन माध्यमिक विद्यालयका प्रमूख अशोक यादव,स्थानीय नविन कुमार साह, स्थानीय समाजसेवी अभरेन्द्र कुमार यादब लगायत युवाहरुको उल्लेख्य सहभागिता रहेको थियो ।
