उषा सरदार, बिराटनगर १असोज
बिराटनगर ९ स्थित घोघापुल चोकमा आज बिश्वकर्मा पूजाको अवसर पारेर ३ दाजुभाइको संयुक्त लगानीमा जनरल हस्पिटल एण्ड ट्र्मा केयर सेन्टर सञ्चालनमा आएको छ।
५ बेडको एन आइसियू र ५ बेडको आईसियू सहित १५ बेड्को अस्पताल ५ करोड लागतमा सञ्चालनमा लयाएको अस्पतालको अध्यक्ष जयप्रकाश रायले जानकारी गराउनु भयो। उहाँले अस्पतालमा २४ घण्टा विशेषज्ञ चिकित्सकहरुबाट सेवाहरु प्रदान गर्ने जानकारी गराउनु भयो।
अस्पताल सञ्चालन देखि १५ दिन सम्म सम्पुर्ण ओ पि डि सेवा नि शुल्क रहनुको साथै ३सय ६५ दिन नै नि शुल्क सुगर र प्रेसर जाच्ने सुबिधा रहेको रायले बताउनु भयो।उहाँले ल्याबमा ५० प्रतिशत छुट गर्ने जानकारी गराउनु भयो।
सो अस्पतालमा वरिष्ठ फिजिसियन डा.बिनोद यादव , वरिष्ठ हार्ड जोड्नी तथा नशा बाथ रोग विशेषज्ञ डा.महेन्द्र प्रसाद महतो, न्युरो लोजिस्ट डा.सन्तोष झा,बाल रोग विशेषज्ञ डा. फडिन्द्र साह , वरिष्ठ स्त्री तथा प्रसुति रोग विशेषज्ञ डा.सबिना लमिछाने लगायतले सेवा दिने अस्पतालको संचालक रायले जानकारी गराउनु भयो।
सो ट्र्मा सेन्टरमा जयप्रकाश राय, श्रावण राय र दिपक रायको संयुक्त लगानी रहेको छ।
