गणेश कुमार शर्मा
सिरहा,असोज २७ गते । धनुषा जिल्लाको धनुषा धनुषाधाम नगरपालिका वडा नं.६ हरिपुरमा बिशेष सुराकी को अधरमा लगाईएको अवैध गाँजा खेती फडानी गरेको छ । ईलाका प्रहरी कार्यालय ढल्केवर धनुषाबाट प्रहरी निरीक्षक(इन्स्पेक्टर) राम कुमार यादवको कमाण्डमा खटिगएको प्रहरी टोलीले धनुषाधाम नगरपालिका वडा नं.६ (हरिपुर) मा लगाइएको अबैध गाजा खेती नष्ट गरेको हो । अबैध रुपमा लुकाईछिपाई बडामा लगाईएको ९ सय अबैध गाँजाका बोट फडानी गरी नष्ट गरिएको ईलाका प्रहरी कार्यालय ढल्केवरका प्रहरी निरीक्षक(इन्स्पेक्टर) राम कुमार यादवले बताए ।
(इन्स्पेक्टर) यादवले भने गाँजा लागुऔषध भएकाले गाँजा खेति, उत्पादन, खरिद विक्री तथा ओसारपसार गर्नेलाई लागुऔषध नियन्त्रण ऐन अनुसार कारवाही हुने समेत उनले वताएका छन् ।
