वीरगन्ज,७ मंसिर
बाराको परवानीपुर गाउँपालिका वडा नम्बर ३ मा रहेको ग्यालेक्सी फिटनेस क्लबले शनिबार दौड प्रतियोगिताको आयोजना गरेको छ ।
परवानीपुरदेखि हिमाल आयरन सम्म ४ किलोमिटरको दूरी पार गर्न आयोजना गरिएको दौड प्रतियोगितामा क्लबका २७ जना सदस्यहरुको सहभागिता रहेको थियो । प्रतियोगितामा मनु कुमार यादव प्रथम, दिपक मण्डल दोश्रो र कुन्दन कुमार साहले तेश्रो स्थान हासिल गर्नु भएको छ ।
प्रतियोगिताको समापन समारोहमा परवानीपुर गाउँपालिका अध्यक्ष हरिनारायण साह, वडा नम्बर ३ का वडाअध्यक्ष अनिल राम, वडा नम्बर ४ का वडा अध्यक्ष गजेन्द्र पटेल, नेपाली कांग्रेसका विजय गुप्ता, परवानीपुर प्रहरी चौकीका इन्चार्ज त्रिभुवन साह, पब्लिक फिटनेस सेण्टरका संचालक करण यादव लगायतको उपस्थिति रहेको थियो ।
ग्यालेक्सी फिटनेस सेण्टरका संचालक सन्नी आलमको अध्यक्षतामा भएको कार्यक्रमको संचालन संचारकर्मी तिवारी यादवले गर्नुभएको थियो ।
