वीरगंज १२ पुस ।
हुनत पत्रकारले सत्य तथ्यको खोजी गरी सबैको बारेमा समाचार लेख्ने हो तर पत्रकारले नै गरेको कालाकर्तुतको बारेमा समाचार लेख्दा पाठकहरु आश्चर्य नै मान्नु हुन्छ । पत्रकारिता अर्थात संचारमाध्यम देशको चौथो अंग हो र देशलाई सहि दिशा निर्देश गर्ने अंग नै आफै भ्रष्ट हुनु भनेको निकै नै संवेदनशील रहेको सचेत नागरिकहरुको भनाई रहेको पाईएको छ ।
सन्दर्भ नेपाल पत्रकार महासंघ पर्सा शाखाको हो । पत्रकार महासंघ पर्सा शाखाको कार्यसमिति निकम्मा साबित हुदै गएको महसुस गर्न थालिएको छ । महासंघको भवन निर्माण, कार्यालय सञ्चालन लगायत थुप्रै शिर्षकमा अनियमित्ता भएको बारे २०७५ पौष २९ गते सम्पन्न साधारणसभाले तीन सदस्यीय छानबिन समिति गठन गरेको थियो ।
महासंघ पर्साको सभाहलमा सम्पन्न सो साधारणसभाले महासंघ पर्साका पूर्व अध्यक्ष शत्रुध्न नेपाल, पार्षद्द्वय रितेष त्रिपाठी र ओमप्रकाश खनाल गरी तीन सदस्यीय छानबिन समिति बनाई प्रतिवेदन सार्वजनिककरण गर्न अख्तियारी दिईएको थियो । गठित छानबिन समितिले महासंघ र महासंघको नेतृत्वको गतिविधि छानबिन गरी भ्रष्टाचार भएको हो भन्दै दोषीलाई कारवाही गर्न प्रतिवेदन बुझाएको थियो ।
गठित समितिले पर्सेली पत्रकारहरुलाई बोलाएर प्रतिवेदन सार्वजनिककरण गर्ने ठाउंमा ठहर्याईएको दोषी कै मिलोमतोमा उपाध्यक्ष अनुप तिवारीलाई हस्तान्तरण गरेका थिए, र सोको बोधार्थ प्रदेश महासंघमा दिएको थियो । प्रतिवेदन हस्तान्तरण भईसकेपछि महासंघ पर्साको कार्यसमिति बसेर दोषीलाई के, कति र कुन किसिमको कारवाही गर्नु पर्ने हो, त्यो नगरी दोषीकै मिलोमतोमा हालसम्म बैठक नबसेको स्रोतको भनाई रहेको छ ।
वर्तमान पर्सा कार्यसमितिमा दोषीकै हालीमुहाली रहेकोले बैठक नबसेको र दोषीलाई बचाउं गर्नुले कार्यसमिति निकम्मा साबित हुदै गएको छ । पर्सा कार्यसमिति दोषीलाई बचाउ गरे पनि प्रदेश नं. २ का महासंघ पनि मौन बसेको पाईएको छ । दोषीले प्रदेश महासंघका केही पदाधिकारीलाई आफ्नो प्रभावमा पारेकै कारण उनीमाथि छानबिन समितिले दिएको प्रतिवेदनले केही अर्थ नराखेको जानकारहरु बताउदंछन् ।
यस सन्दर्भमा छानबिन समितिका सदस्य रितेश त्रिपाठी संग प्रतिक्रिया लिंदा वहा“ले आफुलाई पत्रकारिता क्षेत्रको प्रचण्ड विद्धान ठानी सोधेको प्रश्नको जवाफ दिनु भन्दा पनि पत्रकारिताको आचार संहिता सिखाउन थालेका थिए।
पछि पुन: विनम्र आग्रह गर्दा भने सधारन सभाले दिएको अधिकार अनुसार हामीले छानबिन गरि कार्यसमिति लाई सार्वजनिकरण गर्न लाई जिम्मेवारी दिएको त्रीपाठीले प्रतिक्रिया दिएका थिए ।
