भैसीको प्रतिमा तोडफोडमा पक्राउ परेकालाई रिहाई गर्न जनमत अध्यक्ष सरार्फको माग

वीरगंज –  वीरगंज महानगरपालिकाले वडा नं २१ परवानीपुरमा लगाएको भैसीको प्रतिमा तोडफोड गरेको आरोपमा प्रहरीले ६ जनालाई पक्राउ गरेको छ ।

पक्राउपर्नेमा कृष्ण चौरसिया,पवन श्रीवास्तव,राजन महतो ,सौरभ पटेल ,राकेश उपाध्याय र सागर साह कानु रहेका छन । उनीहरुलाई वडा प्रहरी कार्यालय श्रीपुरमा राखिएको छ ।

परवानीपुरको हनुमान चोकमा लगाईको भैसीको प्रतिमाप्रति शुरुदेखी नै असहमती प्रकट भएका थिए । स्रोतका अनुसार महानगरले प्रतिमा हटाउने आश्वासन दिएकोपनि थियो तर लामो समय बित्दा समेत प्रतिमा नहटाइएपछि स्थानीयले प्रतिमा तोडफोड गरि हटाएका हुन । वीरगंज महानगरका बिभिन्न स्थानमा बिभिन्न जातका जनावरहरुको प्रतिमा लगाइएको छ ।

के आवश्यकताका कारण ति प्रतिमा लगाइयो र त्यसले बीरगंज महानगरलाई फाइदा के हुन्छ ? भन्ने बिषय पनि अहिले बहसमा आएको छ । जनमत पार्टी पर्साका अध्यक्ष ओमप्काश् सर्राफले समाजिक संजाल मार्फत तानाशाही चल्दैन बजेट दुरुपयोग गर्न पाइदै भन्दै खवरदारी गरेका छन । उनले पक्राउ गरिएकाहरुलाई तत्काल रिहा गर्न माँग गरेका छन ।

यस्तै वीरगंज महानगरपालिका वडा नं २० का वडाध्यक्ष रामकिशोर सिंह “पराग”ले पनि आफनो सामाजिक संजाल मार्फत पक्राउ गरिएका युवाहरुलाई सम्झाई बुझाई रिहा गर्न अनुरोध गरेका छन । उनले महानगरलई धरातल र आवश्यकता नबुझि यस्ता काम नगर्न सुझाएका छन । उनले सबै कामको भूक्तानी भएको र अव काम हुदै गरेको लेखेर आर्थिक अनुशासनहिनतालाई पनि संकेत गरेका छन ।