गणेश कुमार शर्मा
सिरहा ।सिरहा मिर्चैया नगरपालिका वडा नं. ९ मा बिशेष सुराकीको अधरमा विभिन्न स्थानमा लगाईएको अवैध गाँजा खेती फडानी गर्ने कार्यलाई मिर्चैया प्रहरीले निरन्तरता दिएको छ । ईलाका प्रहरी कार्यालय मिर्चैया र सशस्त्र प्रहरी वल सुरक्षा बेस क्याम्प मिर्चैयाका संयुक्त टोलीले मिर्चैया नगरपालिका बडा नं. ९ मा लगाइएको करीब १० कठ्ठाको अबैध गाजा खेती (शनिबार) नष्ट गरेको हो । अबैध रुपमा लुकाईछिपाई बडाको बिभिन्न स्थानमा लगाईएको करीब १० कठ्ठाको ९ हजार ४ सय ५० अबैध गाँजाका बोट फडानी गरी नष्ट गरेको हो । ईलाका प्रहरी कार्यालय मिर्चैयाका प्रहरी नायब उपरिक्षक (डिएसपी) सुकदेब खनालले बताए ।
गाँजा फडानीका लागी अभियान नै सञ्चालन गरिएकोले विभिन्न ठाउँमा लगाईएका गाँजा खेती नसकिएसम्म फडानी कार्य जारी रहने ईलाका प्रहरी कार्यालय मिर्चैयाका प्रहरी नायब उपरिक्षक (डिएसपी) सुकदेब खनालले बताए । गाँजा लागुऔषध भएकाले गाँजा खेति, उत्पादन, खरिद विक्री तथा ओसारपसार गर्नेलाई लागुऔषध नियन्त्रण ऐन अनुसार कारवाही हुने उनले वताए । ईलाका भित्र पर्ने विभिन्न गाउँहरुमा लुकाएर लगाएको प्रतिबन्धित गाँजा खेती नष्ट गर्ने अभियानलाई तिव्रता दिइएको हो ।
त्यसै गरी संयुक्त टोलीमा ईलाका प्रहरी कार्यालय मिर्चैयाका प्रहरी निरीक्षक(इन्स्पेक्टर) पुरुसोत्तम कार्की र सशस्त्र प्रहरी वल सुरक्षा बेस क्याम्प मिर्चैयाका प्रहरी निरीक्षक(इन्स्पेक्टर) प्रमोद राय लगायत रहेका थिए ।
