कपिलवस्तु
भदौ २९ –
कपिलवस्तुमा ट्रयाक्टर दुर्घटना हुंदा २ जनाको ज्यान गएको छ ।
कपिलवस्तुको वाणगंगा नगरपालिका वडा नम्बर १ बुङची चोक स्थित कोपवा जाने मोडमा ट्रयाक्टर अनियन्त्रीत भई दुर्घटना भएको हो ।
दुर्घटनामा ५ जना घाइते भएका छन्।
ट्रयाक्टर चालक वाणगंगा नगरपालिका वडा नम्बर १, उप्टहवा निवासी ३५ वर्षीय रामु थारु र सोहि ठाउँका १५ वर्षीय रन्जित बोटे माझीको घटनास्थलमै मृत्यु भएको प्रहरीले जनाएको छ ।
दुर्घटनामा गम्भिर घाइते भएका ३ जनालाई बुटवल रिफर गरिएको छ भने अन्य ३ जनाको कपिलवस्तु सामुदायिक अस्पतालमा उपचार भईरहेको इलाका प्रहरी कार्यालय पिपराले जनाएको छ ।
चार नम्बरबाट कोपवा जाँदै गरेको लु ३ त ७२७२ नम्बरको ट्रयाक्टर बुङची–कोपवा सडकखण्ड अन्र्तगत बुङचीचोकमा शनिबार राति अनियन्त्रित भई बाटोभन्दा तल पल्टिएको थियो।
तीव्र गतिमा रहेको ट्याक्टर अनियन्त्रित भई पल्टिएको हुन सक्ने प्रहरीको प्रारम्भिक अनुमान छ।
