रौतहटमा आज बिहान एक माल वाहक ट्रक पल्टिँदा लाखौं मुल्य बराबरको धनमाल ग्रस्त भएको छ । जिल्लाको चन्द्रनिगाहपुर देखि गौर सडक खण्डमा पर्ने बृन्दावन नगरपालिका वडा नं. ६ स्थित हर्षाहा चौकमा सोमबार बिहान करिब ६ बजेको समयमा गौर तर्फ जादै गरेको ना ६ ख ६२१८ नम्बरको मालवाहक ट्रक पल्टिँदा हर्षाहाका स्थानिय नथुनि साहको भैसी र सोही स्थानमा सञ्चालनमा रहेको फर्निचर उधोग एउटा बक्स पलग्ङ नष्ट भएको पिडित नथुनि साह र स्थानिय चन्दन सिंहले बताएका छन । ट्रक पल्टिँदा कुनै किसिमको मानवीय क्षती नभएको ईलाका प्रहरी कार्यालयका डिएसपी ज्ञान कुमार महतोले बताएका छन । ट्रक पल्टिँदा एक विद्युतको पोल समेत भाचिएको छ ।
