प्रभु यादव,बारा// बाराको महागढीमाई नगरपालिका १ गढिमाई मंदिर अगाडी रहेको रंगशालामा जारी प्रथम गढीमाई गोल्डकप फुटबल टुर्नामेन्टको उदघाटन खेलमा बि.एफ.सि चितवन विजयी भएको छ । शुन्यको विरुद्ध १ गोलले मकवानपुरलाई पराजित गर्दै बि.एफ.सि चितवन विजयी भएको छ । खेलको १७ मिनेट जाँदा बि.एफ.सि चितवनका खेलाडी टंकु लामाले गरेको गोल निर्णायक गोल बन्यो ।
श्री गढीमाई युवा क्लबले आयोजना गरेको प्रथम गढीमाई गोल्डकप फुटबल टुर्नामेन्ट खेलको शनिबार नगर प्रमुख उपेन्द्र प्रसाद यादवले उद्घाटन गरेका हुन् । उद्घाटन कार्यक्रममा प्रमुख यादवले फुटबल खेलले स्थानिय खेलाडीहरुलाई जोस जागर बढ्ने र खेलकुद बिकासप्रती युवाहरुको रुचि बढ्नु को साथै खेलाडी उत्पादन गर्ने उदेश्यले टुर्नामेण्ट गराउन लागेको बताउनु भयो । महागढीमाई नगरपालिकामा पहिला मेयरकप फुटबल भएको थियो तर त्यसलाई अर्को नाम दिई गढीमाई विश्व प्रख्यात रहेकोले एतिहासिक नाम प्रथम गढीमाई गोल्डकप भइरहेको यादवले बताए । गढीमाई गोल्डकप फुटबल टुर्नामेन्टको बिकासका लागि अगामी बर्ष पुन: नगरपालिकाले सहयोग गर्ने मेयर यादवले प्रतिबद्धता जाहेर गरे ।
उक्त कार्यक्रमलाई सम्बोधन गर्दै गढीमाई मंन्दिर संचालन तथा बिकास समितिका अध्यक्ष रामचन्द्र साहले गढीमाई रंगशालाको क्षेत्रफल साङ्गुरो भएकोले यसको बिस्तार गर्न नगर प्रमुखलाई आग्रह गर्नु भयो । उक्त उद्घाटन कार्यक्रममा गढीमाई मंन्दिर बिकास समितिको महासचिव मोतिलाल कुशवाहा , पुर्व सचीव जितेन्द्र गुप्ता , नेशनल प्याबसन बाराको अध्यक्ष प्रभुलाल कुशवाहा , राधेकृषन यादव गढीमाई गोल्डकप फुटबल टुर्नामेन्टको संयोजक पुनदेव चौधरी लगायतले खेलकुदको बिकास प्रती आ–आफ्ना धारणा राखेका थिए ।
फाल्गुन २५ गते बाट शुरु भई चैत्र २ गते सम्म खेल हुने गढीमाई गोल्डकप फुटबल टुर्नामेन्टका संयोजक पुन्देव चौधरीले बताए । उक्त खेलमा प्रथम हुने टिम लाई नगद दुई लाख र ट्रफी , दोस्रो हुने टिम लाई नगद एक लाख र ट्रफी पुरस्कार दिने संयोजक पुनदेव चौधरिले बताए । आईतबारको खेलमा बि.एफ.सि अर्थोपेडिक,हेटौंडा र निजगढ एकेडमी बिच प्रतिस्पर्दा हुने आयोजकले जनाएको छ ।
