पर्साको पटेर्वासुगौली गाउपालिकामा पर्ने ऐतीहासिक बाबा दुदेशवर नाथको सावनी मेला आज बाट सुरु

जिराभवानी सावन ६- पर्साको पटेर्वासुगौली गाउँपालिका को मध्य चारकोसे जंगलमा अस्थित बाबा दुधेशवर महादेव मन्दिरमा प्रत्येक वर्ष साउन महिनामा लाग्ने ऐतिहासिक ‘भाथा बाबा साउने मेला’ आजबाट शुरु भएको छ । साउन महिनाभर धार्मिक पर्यटकहरूको घुँइचो लाग्ने भाथामा आजबाट भक्तजनहरुको उपस्थिती पहिलो दिन नै बाक्लिएको छ ।

मध्य जङगलभित्र रहेको बाबा दुदेशवर महादेवलाई स्थानीय बासिन्दाहरू भाथा बाबा महादेवको नामले पनि पुकार्ने गर्छन् । सत्ययुगमा भगवान् महादेव वन विहार गर्न चारकोसे झाडीको पहाडको उक्त स्थानमा आई कैयौँ दिनसम्म वन र पहाडमा विहार गरी विश्राम गरेका केही जानकारहरू बताउँछन् बाबा दुदेशवर नाथ वा भाथा बाबा महादेवको नामले पुजिंदै आएको किंबदन्ती छ ।

पर्साको ग्रामीण क्षेत्र छिमेकी जिला र भारत बिहार लगायतका भक्तजनहरुले सावन महिना भरी शुद्ध शाकाहारी भई करिब १५५किलोमिटर टाढा रहेको चितवन र नवलपरासीको सिमाना भएर बग्ने नारायाणीको तिरबेणी धामको नदीबाट पैदलै हिंडेर, पहेंलो शिववस्त्र धारण गरी बोल बम भन्दै भजन(कीर्तन गाउंदै र डाक बमले कहीं विश्राम नगरी पवित्र जल ल्याई चढाउने गर्दछन् । यसरी पूजा आराधना गर्नाले मनोकाङ्क्षा पूरा हुने दर्शनार्थीहरूको आस्था, विश्वास छ ।

घना जंगल र पहाडको मध्येभागमा अवस्थित उक्त मन्दिर परिसरमा श्री शिव लिङ्ग, बसाहा, पार्वती भैरवनाथ, हनुमानलगायत अनेकौं देवी(देवताहरूको प्राचीन मूर्तिहरू र मन्दिर परिसरमैं छन पर्साको ग्रामीण क्षेत्रमा पर्यटन विकास केन्द्रको रूपमा भाथा बाबा र पर्साको जिराभवानी गाउँपालिका वार्ड नम्बर एकमा रहेको बाबा बटेशवर नाथ जिराभवानी माईले प्रसिद्ध धार्मिक स्थल मानिन्छ ।